ဆူပပှၤကလုာ်ကညီကၠိသရၣ်,မုၣ်သးဘိခဲလၢာ်
October 6th, 2023
•
Category
Photo
• Author:
Saw Thaw Thi
ဆူပပှၤကလုာ်ကညီကၠိသရၣ်,မုၣ်သးဘိခဲလၢာ်
ဒ်ပမှံၤပပှၢ်အတၢ်ကတိၤဒိလၢအစံးဝဲထဲပကကၣ်အီၣ်ညၣ်ဒၣ်လဲာ်သရၣ်မ့ၢ်တဟံးစုနဲၣ်ကျဲပှၤဘၣ်န့ၣ်ပမၤအီၤအကျိၤအကျဲတဘၣ်ဘၣ်အိၣ်တ့ၢ်ပာ်စၢၤဝဲအသိး,ကၠိသရၣ်အတၢ်မၤမ့ၢ်တၢ်အကါဒိၣ်ဝဲလၢပှၤဒီတကလုာ်အဂီၢ်န့ၣ်ပှၤကိးဂၤဒဲးသ့ၣ်ညါဝဲလီၤ.ပှၤလၢအကဲထီၣ်ထံကီၢ်ခိၣ်နၢ်ဒိၣ်ထီတဖၣ်အိၣ်ဟဲဝဲဖဲလဲၣ်,အိၣ်ဟဲလၢကၠိသရၣ်အအိၣ်ဒီးဟဲအိၣ်ဖျဲၣ်ထီၣ်လၢကၠိသရၣ်လီၤ.
ပှၤလဲၤတၢ်လၢပီၣ်လဲၣ်ခံဒး,လၢပီၣ်လဲၣ်မဲာ်ဖံးခိၣ်,လၢဟီၣ်ခိၣ်မဲာ်ဖံးခိၣ်,လၢမူကပိၤလိၤဒီးမုၢ်ပူၤလါပူၤတဖၣ်အိၣ်ဟဲလၢကၠိသရၣ်အအိၣ်ခဲလၢာ်လီၤ.ကၠိသရၣ်အတၢ်မၤမ့ၢ်တၢ်လၢအဃၢဝဲစံာ်ဝဲဒိၣ်မးလီၤ.ပှၤအါဂၤအသးတစၢၢ်ဆၢလၢကၠိသရၣ်အတၢ်မၤဘၣ်န့ၣ်လီၤ.ပမ့ၢ်တသးစၢၢ်ဆၢလၢကၠိသရၣ်အတၢ်မၤဘၣ်န့ၣ်မ့ၢ်ပအဲၣ်ဒိးဒီးတူၢ်လိာ်လၢပပှၤကလုာ်ကလီၤဒးကွံာ်ဝဲဒီးအိၣ်တ့ၢ်ကွံာ်လၢကလုာ်ဂၤအလီၢ်ခံန့ၣ်လီၤ.ပတကြၢးအိၣ်ဒီးတၢ်ပာ်သးဒ်အံၤအသိးတဖၣ်ဘၣ်.သးဒ်အံၤတဖၣ်န့ၣ်မ့ၢ်ကုၢ်အသးဒီးကုၢ်အတၢ်ဆိကမိၣ်ဆိကမးန့ၣ်လီၤ.ခ့ခါစိၤဆၢကတီၢ်လၢအပူၤကွံာ်ဒီးတုၤလီၤလၢဆၢကတီၢ်ခဲအံၤပပှၤကလုာ်လၢအသးအိၣ်ဒီးအဲၣ်ဘၣ်တၢ်ကူၣ်ဘၣ်ကူၣ်သ့,အဲၣ်ပှၤကလုာ်ဒီးအဲၣ်ဘၣ်ကၠိသရၣ်အတၢ်မၤအိၣ်ဒံးဝဲဂီၢ်မုၢ်ဂီၢ်ပၤအဃိပပာ်ကဖၢလၢပသးလၢအဝဲသ့ၣ်တဖၣ်အဖီခိၣ်ဒိၣ်မးန့ၣ်လီၤ.
ပပှၤကလုာ်ကညီကၠိသရၣ်သးဘိခဲလၢာ်သ့ၣ်သုဧၢလၢဆၢကတီၢ်ခဲအံၤပဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲအါမံၤအါကလုာ်လၢပတၢ်မၤအပူၤလီၤ.တၢ်ကီတၢ်ခဲတဖၣ်မ့ၢ်အါဒီးကီဝဲထဲလဲၣ်ဘၣ်ဆၣ်,မ်ပကကွၢ်ဆၢၣ်မဲာ်ဒီးလဲၤခီဖျိသကိးအီၤလၢတၢ်သးစွံကတုၤအပူၤတက့ၢ်ပသးအိၣ်ဆၢဂ့ၤဆၢဝါဘၣ်က့ၤပပှၤကလုာ်ကညီကၠိသရၣ်သရၣ်မုၣ်ကိးဂၤဒဲးလၢမ်သုကအိၣ်ဆူၣ်အိၣ်ချ့,မၤန့ၢ်အီၣ်ကဲ,ပူၤဒုၣ်ပူၤဒါဒီးခါထီၣ်သကိးခီၣ်ခါဆူညါဃူဃူလၢတၢ်သးတဖျၢၣ်ဃီအပူၤတုၤပတုၤသကိးဆူပတၢ်မၤနၢၤအဖီတၢၣ်တစုတက့ၢ်န့ၣ်မ့ၢ်ယတၢ်ဆၢမုၢ်လၢ်ဒီးတၢ်ဆၢဂ့ၤဆၢဝါသုအါလၢဟီၣ်ခိၣ်ဒီဖျၢၣ်ကၠိသရၣ်အမုၢ်နံၤဆၢက့ၤအလီၢ်ဘျီအဝဲအံၤန့ၣ်လီၤ.
စီၤအဲၣ်ကလုာ်ထူ
နဲၣ်ၡွဲၣ်
ကညီကူၣ်သ့ဆဲးလၤဝဲၤကျိၤ
ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢလီၢ်ခၢၣ်သး
#World_Teachers_Day #KECD #education
