တၢ်ဒုးကဲထီၣ်အဃိ ပယီၤသုးနုာ်လီၤဆူသဝီပူၤဒီး ဒွဲၣ်ကမျၢၢ် ကၠိသရၣ်မုၣ်ဟံၣ်ဒီးၦၤသဝီဖိဟံၣ်
October 6th, 2023
•
Category
Photo
• Author:
Saw Thaw Thi
မုၢ်နံၤ-၂၇,၉,၂ဝ၂၃
ဖဲ(၂၂,၉,၂ဝ၂၃)သီနံၤ,ဂီၤခီ ၁ဝနၣ်ရံၣ်,ဒူပျာ်ယာ်ကီၢ်ရ့ၣ်,ကီးတရံးကီၢ်ဆၣ်,မဲာ်တလၢသဝီပူၤပယီၤနုာ်လီၤဒွဲၣ်ဝဲ ကၠိသရၣ်မုၣ်တဂၤလၢအသိၣ်လိတၢ်ဖဲ မဲာ်တလၢတီၤ ခၢၣ်သးကၠိ အဟံၣ်ဒီးသဝီဖိအဟံၣ်(၂)ဖျၢၣ်စ့ၢ်ကီးန့ၣ်လီၤ.
သရၣ်မုၣ်လၢတၢ်ဒွဲၣ်အဟံၣ်အံၤလၢအပူၤကွံာ်တနံၣ်အဝဲကဲသရၣ်မုၣ်ကၠိခိၣ်လၢမဲာ်တလၢကၠိန့ၣ်လီၤ. သရၣ်မုၣ် တဂၤအဟံၣ်အံၤ,စဲးဆးတၢ်တဖျၢၣ်, စဲးထဲၢ်တၢ်အမဲဒီးတၢ်ဖိတၢ်လံၤလၢအအိၣ်လၢ အဟံၣ်ပူၤတဖၣ်အူအီၣ်ကွံာ်ဝဲ ခဲလၢာ်ဒီး မ့မ့ၢ်လၢသ ဝီဖိဟံၣ် (၂)ဖျၢၣ်တခီစဲးထဲၢ်တၢ်,သိလ့ၣ်တခိၣ်,စဲကၢး (၂)ခိၣ်ဟးဂီၤဝဲ,တခိၣ်န့ၣ် မ့ၣ်အူအီၣ် အီၤဒီးအဂၤခိၣ်န့ၣ်ပယီၤသုးမၤဟးဂီၤဝဲန့ၣ်လီၢ်ကဝီၤၦၤဘၣ်မူဘၣ်ဒါ စံးဝဲ န့ၣ်လီၤ.
အါန့ၣ်အန့ၣ်,ကၠိဖဲသဝီ လၢပယီၤလဲၤဒွဲၣ်အီၤဒီးအိၣ်ဘူး ဒီးတၢ် လီၢ်ဖဲန့ၣ်ဒ်အမ့ၢ် ကွံလ့,ကွံချၢၣ်,ဖိဆံၣ်မုၢ်,မဲာ် တလၢ,ထိၣ် လွံၢ်ဝါ ကၠိသ့ၣ် တဖၣ်ဆၢကတီၢ်ခဲအံၤပတုာ်ဃာ်အသး န့ၣ်လီၤ. စံးစ့ၢ်ကီးဝဲလၢ တၢ်အိၣ်သးတကတၢၢ်ဒ်ဘၣ်,ပယီၤသုးသ့ၣ်တဖၣ် ဟးပံးပိး(လိးၡါ)အဖၢမုၢ်ဒ်န့ၣ်လီၤ.