လါအီးကထိဘၢၣ် ၅ သီ, ၂၀၂၄, ထိၣ်လွံၢ်ဝါကၠိ, ကီၢ်ဆၣ်ထီတထူၣ်, ကီၢ်ရ့ၣ်တီအူ အိၣ်ဒီးတၢ်မၤလၤကပီၤကၠိသရၣ်မုၢ်နံၤန့ၣ်လီၤ. လၢတၢ်မၤလၤကပီၤကၠိသရၣ်မုၢ်နံၤအံၤ ကၠိသရၣ်သ့ၣ်တဖၣ် နီၤဖးလီၤကရူၢ်ဒီးတကရူၣ်စုၥ်စုၥ်အိၣ်ဒီးတၢ်ရဲၣ်တၢ်ကျဲၤလၢတၢ်ဒုးသ့ၣ်ညါလီၤပှၤမံၤဟူသ့ၣ်ဖျါလၢဟီၣ်ခိၣ်ချၢတဖၣ်အဂ့ၢ် ဆူပှၤလၢဟဲထီၣ်တၢ်ရဲၣ်တၢ်ကျဲၤတဖၣ်န့ၣ်လီၤ. တၢ်ဟူးတၢ်ဂဲၤအံၤ ဒုးနဲၣ်ဖျါထီၣ် ကၠိသရၣ်သ့ၣ်တဖၣ် တၢ်သူၣ်အိၣ်သးအိၣ် ဒီးတၢ်သူၣ်ဆူၣ်သးဂဲၤလၢတၢ်ဟ့ၣ်လီၤတၢ်ကူၣ်ဘၣ်ကူၣ်သ့လၢကၠိဖိတကးဘၣ် အိၣ်ဒီးတၢ်မုၢ်လၢ်လၢ ပှၤတဝၢ ကမျၢၢ်ဖိသ့ၣ်တဖၣ်ကအိၣ်ဒီးတၢ်စီၣ်မဲၥ်စီၣ်နါလၢ တၢ်ကူၣ်ဘၣ်ကူၣ်သ့န့ၣ်အိၣ်ဖျါထီၣ်ဝဲ လၢတၢ်ဟူးတၢ်ဂဲၤအံၤန့ၣ်လီၤ.

တနံၣ်အံၤ လၢကီၢ်ရ့ၣ်နွံဘ့ၣ်ပူၤ ကညီကူၣ်သ့ဆဲးလၤဝဲၤကျိၤ ရဲၣ်ကျဲၤ မၤလၤကပီၤ ဟီၣ်ခိၣ်ဒီဖျၢၣ်ကၠိသရၣ်မုၢ်နံၤ လၢတၢ်လီၢ်(၁၆)တီၤန့ၣ်လီၤ.