၇/၁၀/၂၀၂၄, ကီၢ်ရ့ၣ်ဒူပျၥ်ယၥ်, ကီၢ်ဆၣ်ကြုၢ်တု, သဝီထံရှီရှံနံၤ အိၣ်ဒီး တၢ်မၤလၤကပီၤကၠိသရၣ်မုၢ်နံၤန့ၣ်လီၤ. တၢ်မၤလၤကပီၤကၠိသရၣ်မုၢ်နံၤဘျီဝဲအံၤ ဘၣ်တၢ်ရဲၣ်ကျဲၤအီၤလၢကညီကူၣ်သ့ဆဲးလၤဝဲၤကျိၤ လီၢ်ခၢၣ်သး, ကီၢ်ရ့ၣ်, ကီၢ်ဆၣ်, ဒီးဒူသဝီ ခိၣ်နၢ်တဖၣ်န့ၣ်လီၤ. တၢ်ရဲၣ်တၢ်ကျဲၤအကတီၢ် ကညီကူၣ်သ့ဆဲးလၤဝဲၤကျိၤ ခၢၣ်စးလၢ လီၢ်ခၢၣ်သး, ကီၢ်ရ့ၣ်, ကီၢ်ဆၣ်, သရၣ်/မုၣ်တဖၣ်, ကၠိဖိမိၢ်ပၢ်, ကၠိကမံးတံး, ဒီး လီၢ်ကဝီၤပှၤဘၣ်မူဘၣ်ဒါတဖၣ်ခဲလၢ မုၣ်/ခွါ အါန့ၢ်(၁၇၀)ဂၤ ဟဲထီၣ်ပၥ်ဖှိၣ်မၤလၤကပီၤသကိးဝဲန့ၣ်လီၤ. တကတီၢ်ဃီ အိၣ်စ့ၢ်ကီးဒီးတၢ်ဟ့ၣ်လီၤတၢ်လၤပီၤကၠိသရၣ်/မုၣ် တဖၣ်လၢအသိၣ်လိတၢ်ပှဲၤထီၣ် ၅ နံၣ်ဒီး ၁၀ နံၣ် တဖၣ်န့ၣ်လီၤ. ကၠိသရၣ်/မုၣ်တဖၣ် အိၣ်ဖျါသူၣ်ဆူၣ်သးဂဲၤလၢ အတၢ်ဖံးတၢ်မၤပူၤဒီး သူၣ်ခုးသးခုလၢတၢ်မၤလၤကပီၤကၠိသရၣ်မုၢ်နံၤတဘျီအံၤန့ၣ်လီၤ.

တနံၣ်အံၤ(၂၀၂၄-၂၀၂၅ ကူၣ်သ့နံၣ်) လၢကီၢ်ရ့ၣ်နွံဘ့ၣ်ပူၤ ကညီကူၣ်သ့ဆဲးလၤဝဲၤကျိၤ ရဲၣ်ကျဲၤ မၤလၤကပီၤ ဟီၣ်ခိၣ်ဒီဖျၢၣ်ကၠိသရၣ်မုၢ်နံၤ လၢတၢ်လီၢ်(၁၆)တီၤန့ၣ်လီၤ.