သဝီကၠိဝဲ တၢ်မၤလၤကပီၤဟီၣ်ခိၣ်ဒီဖျၢၣ်ကၠိသရၣ်မုၢ်နံၤ

၇/၁၀/၂၀၂၄, ကီၢ်ရ့ၣ်ဒူသထူၣ်, ကီၢ်ဆၣ်ဘံလ့, ကၠိဝဲတီၤထီကၠိ ဘၣ်တၢ်မၤလၤကပီၤဟီၣ်ခိၣ်ဒီဖျၢၣ်ကၠိသရၣ်မုၢ်နံၤဒီး တၢ်မၤလၤကပီၤကၠိသရၣ်တဖၣ်န့ၣ်လီၤ. တၢ်ရဲၣ်တၢ်ကျဲၤအံၤဘၣ်တၢ်ရဲၣ်ကျဲၤအီၤလၢ ကညီကူၣ်သ့ဆဲးလၤဝဲၤကျိၤဒီးလီၢ်ကဝီၤခိၣ်နၢ်တဖၣ်ဒီး တၢ်ကွဲမုၥ် သရၣ်/မုၣ်လၢ ကီၢ်ဆၣ်ဘံလ့ ဒီတဘ့ၣ်အပူၤ န့ၣ်လီၤ. လၢတၢ်ရဲၣ်တၢ်ကျဲၤတဘျီအံၤ ကၠိသရၣ်လၢအသိၣ်လိတၢ် အသးနံၣ်ပှဲထီၣ်တဖၣ် ဟဲထီၣ်ခဲလၢၥ်(၆၈)ဂၤ (ကၠိသရၣ် သိၣ်လိတၢ်ပှဲၤထီၣ် ၅ နံၣ် တၢ်ဟ့ၣ်လၤကပီၤ လံၥ်အုၣ်သး, ၁၀ နံၣ် တၢ်ဟ့ၣ်လၤကပီၤတိၢ်ဘီကဘျၣ်တၢ်ပနီၣ်ဒီးလံၥ်အုၣ်သး, ၂၀ နံၣ် ဆ့ကဘျၣ်တၢ်ပနီၣ်ဒီးလံၥ်အုၣ်သး, ၃၀ နံၣ်ထူကဘျၣ်တၢ်ပနီၣ်ဒီးလံၥ်အုၣ်သး, ၄၀ နံၣ် ထူနီၢ်နီၢ် ဒီး လံၥ်အုၣ်သး) န့ၣ်လီၤ.

တနံၣ်အံၤ လၢကီၢ်ရ့ၣ်နွံဘ့ၣ်ပူၤ ကညီကူၣ်သ့ဆဲးလၤဝဲၤကျိၤ ရဲၣ်ကျဲၤ မၤလၤကပီၤ ဟီၣ်ခိၣ်ဒီဖျၢၣ်ကၠိသရၣ်မုၢ်နံၤ လၢတၢ်လီၢ်(၁၆)တီၤန့ၣ်လီၤ.