၇/၁၀/၂၀၂၄, ကီၢ်ရ့ၣ်မုၢ်တြီၢ်ပူၤ အိၣ်ဒီးတၢ်မၤလၤကပီၤကၠိသရၣ်မုၢ်နံၤ လၢတၢ်လီၢ်၄တီၤအဂ့ၢ်သ့ၣ်ညါဘၣ်န့ၣ်လီၤ. လၢတၢ်မၤလၤကပီၤကၠိသရၣ်မုၢ်နံၤလၢတၢ်လီၢ်တဖၣ်အကျါ လီၢ်ခၢၣ်သး ခၢၣ်စးလဲၤပၣ်ဃုၥ်ပၣ်ဂီၢ် လၢတၢ်လီၢ် ၂တီၤန့ၣ်လီၤ. ဃဲပၤထၣ်တၢ်လီၢ် ကညီကူၣ်သ့ဆဲးလၤဝဲၤကျိၤ, နဲၣ်ရွဲၣ်ဝဲၤဒ့ခိၣ် ဒီး ပတီၢ်ထီပီညါဝဲၤဒ့ တၢ်ပၢဆှၢရဲၣ်ကျဲၤဝဲၤဒၢးဂ့ၢ်ဝီဝဲၤဒ့ပြံခိၣ် ဒီးအဂၤတတီၤတိသ့ၣ်ဒၢး တၢ်လီၢ် တၢ်သမံသမိးဒီးတၢ်လီၤကွၢ်ထွဲတၢ်မၤဝဲၤဒ့ပြံ ပှၤဘၣ်မူဘၣ်ဒါ တဖၣ်ပၣ်ဃုၥ်ပၣ်ဂီၢ်န့ၣ်လီၤ. မ့မ့ၢ်လၢ ဘုအါဒၢ တၢ်လီၢ် ကီၢ်ရ့ၣ်မုၢ်တြီၢ်ကညီကူၣ်သ့ဆဲးလၤဝဲၤကျိၤခိၣ် ပၣ်ဃုၥ်ပၣ်ဂီၢ်ဒီး ချၢၣ်ပၢၤ တၢ်လီၢ်တကပၤ ကီၢ်ရ့ၣ်မုၢ်တြီၢ် ကညီကူၣ်သ့ဆဲးလၤဝဲၤကျိၤ နဲၣ်ရွဲၣ် ပၣ်ဃုၥ်ပၣ်ဂီၢ်န့ၣ်လီၤ.

ဒ်ပှၤအါဂၤသ့ၣ်ညါတ့ၢ်ဝဲအသိး ကညီကူၣ်သ့ဆဲးလၤဝဲၤကျိၤ တၢ်ဒုးလိၣ်ထီၣ်ဖးထီၣ်တၢ်ဖံးတၢ်မၤတၢ်လီၢ်သ့ၣ်တဖၣ်အကျါတနီၤန့ၣ် ဘၣ်ကွၢ်ဆၢၣ်မဲၥ်ဒီးတၢ်လီၤပျံၤလီၤဖုးလၢအမ့ၢ် တၢ်ထီၣ်ဒုးလၢ သုးကီၣ်ကးန့ၣ်လီၤ. ဒ်လဲၣ်ဂ့ၤ သရၣ်/မုၣ်သ့ၣ်တဖၣ်မ့ၢ်ဘၣ်ကွၢ်ဆၢၣ်မဲၥ် တၢ်ကီတၢ်ခဲထဲလဲၣ်ဘၣ်ဆၣ် အဝဲသ့ၣ်အိၣ်ဒီးတၢ်သူၣ်ဒူသးဒူ, တၢ်သူၣ်ဆူၣ်သးဂဲၤဒီး အိၣ်ဖျါပှဲၤဒီးတၢ်သူၣ်ဖှံသးညီလၢ တၢ်မၤလၤကပီၤကၠိသရၣ်မုၢ်နံၤတဘျီအံၤန့ၣ်လီၤ.

တနံၣ်အံၤ(၂၀၂၄-၂၀၂၅ ကူၣ်သ့နံၣ်) လၢကီၢ်ရ့ၣ်နွံဘ့ၣ်ပူၤ ကညီကူၣ်သ့ဆဲးလၤဝဲၤကျိၤ ရဲၣ်ကျဲၤ မၤလၤကပီၤ ဟီၣ်ခိၣ်ဒီဖျၢၣ်ကၠိသရၣ်မုၢ်နံၤ လၢတၢ်လီၢ်(၁၆)တီၤန့ၣ်လီၤ.