သဝီလူၢ်ခိထၣ် တၢ်မၤလၤကပီၤဟီၣ်ခိၣ်ဒီဖျၢၣ်ကၠိသရၣ်မုၢ်နံၤ
November 11th, 2024
•
Category
Photo
• Author:
KECD
၅/၁၀/၂၀၂၄, ကီၢ်ရ့ၣ်ဒူပျၥ်ယၥ်, ကီၢ်ဆၣ်ကီးတရံး, သဝီလူၣ်ခိထၣ် အိၣ်ဒီး တၢ်မၤလၤကပီၤဟီၣ်ခိၣ်ဒီဖျၢၣ်ကၠိသရၣ်မုၢ်နံၤ တၢ်ရဲၣ်တၢ်ကျဲၤန့ၣ်လီၤ. တၢ်ရဲၣ်တၢ်ကျဲၤအံၤ လၢလီၢ်ခၢၣ်သးတကပၤ ဝဲၤကျိၤခိၣ် ကညီကူၣ်သ့ဆဲးလၤဝဲၤကျိၤ, ဂ့ၢ်ခီၣ်ထံးပီညါဝဲၤဒ့ခိၣ် ပၣ်ဃုၥ်ဝဲဒီး ကီၢ်ဆၣ်ကီးတရံး ကီၢ်ဆၣ်ကူၣ်သ့ဝဲၤကျိၤခိၣ်, ဒီးကူၣ်သ့ပှၤမၤသကိးတၢ်ဖိတဖၣ်, ကၠိသရၣ်/မုၣ်တဖၣ်, ပှၤကမျၢၢ်သ့ၣ်တဖၣ်, ကၠိကမံးတံၥ် ဒီးကၠိဖိမိၢ်ပၢ်သ့ၣ်တဖၣ် ဟဲထီၣ်ဝဲခဲလၢၥ် ၈၀၀ ဂၤ အကပိၥ်ကပၤန့ၣ်လီၤ. ကၠိလၢတၢ်ကွဲမုၥ်အီၤဟဲထီၣ် ၃၂ ဖျၢၣ်ဒီးသရၣ်/မုၣ်ခွါခဲလၢၥ် ၃၀၀ ဘျဲၣ်ဂၤန့ၣ်လီၤ.
တကတီၢ်ဃီ ပှၤတဝၢဒီးလီၢ်ကဝီၤခိၣ်နၢ်တဖၣ်ဟ့ၣ်လၤကပီၤကၠိသရၣ်/မုၣ်တဖၣ်ခီဖျိအတၢ်ဟ့ၣ်လီၤသးလၢတၢ်သိၣ်လိမၤယုၤစၢၤသွဲၣ်သီဖိတဖၣ်, ကရူၢ်တၢ်တဲသကိးဘၣ်ဃးတၢ်ကူၣ်ဘၣ်ကူၣ်သ့တၢ်လဲၤထီၣ်လဲၤထီဒီး တၢ်သံကွၢ်ဆံးဆၢ တၢ်ဟူးတၢ်ဂဲၤတဖၣ်ဘၣ်တၢ်မၤအီၤန့ၣ်လီၤ. ပှၤလၢဟဲပၥ်ဖှိၣ်ထီၣ်သးလၢတၢ်ရဲၣ်တဖၣ်ကျဲၤတဖၣ်ခဲလၢၥ် ဃုၥ်ဒီးကၠိသရၣ်/မုၣ်တဖၣ်အိၣ်ဖျါသူၣ်ဖှံသးညီန့ၣ်လီၤ. အါန့ၢ်အန့ၣ်အဝဲသ့ၣ်တဖၣ် ဟ့ၣ်ထီၣ်အတၢ်ထံၣ်သ့ၣ်တဖၣ် ဒီးသူၣ်ဆူၣ်သးဂဲၤလၢ တၢ်ရဲၣ်တၢ်ကျဲၤဘျီဝဲအံၤန့ၣ်လီၤ.
လၢတၢ်ရဲၣ်တၢ်ကျဲၤအကတီၢ် လီၢ်ကဝီၤခိၣ်နၢ်သ့ၣ်တဖၣ် တိစၢၤမၤစၢၤဝဲ တၢ်မၤတၢ်ရဲၣ်တၢ်ကျဲၤတဘျီအံၤဒီး အဝဲသ့ၣ်တဖၣ်သူၣ်ဆူၣ်သးဂဲၤလၢ တၢ်ကူၣ်ဘၣ်ကူၣ်သ့လၢဖိလံၤခါဆူညါအဂီၢ်ဒီးလၢအသနၢၣ် မၤဝဲလၢအဂ့ၤကတၢၢ်န့ၣ်လီၤ. ဒီး အဝဲသ့ၣ်သးလီၤပလိၥ်စ့ၢ်ကီးလၢ ဖိသၣ်တၢ်ကူၣ်ဘၣ်ကူၣ်သ့ဆူမဲၥ်ညါအဂီၢ် တၢ်ဆီၣ်ထွဲကၠိသရၣ်/မုၣ်တဖၣ် အတၢ်အိၣ်မုၥ်ဆိးပၢၤန့ၣ်မ့ၢ်တၢ်အရ့ဒိၣ်လီၤ.
