ကီၢ်ရ့ၣ်ဘျံးဒဝဲၢ် လံၥ်မိၢ်ပှၢ်တၢ်သိၣ်လိ

ဖဲလါစဲးပထ့ဘၢၤ ၁-၅,၂ဝ၂၅နံၤတၢ်မၤဝဲတၢ်ဟ့ၣ်လံာ်မိၢ်ၦၢ်တၢ်မၤလိဆူကၠိသရၣ်သရၣ်မုၣ်တဖၣ်အအိၣ်ဖဲကိစံကွံသဝီ, ကျဲမုၢ်ထံးကဝီၤ,ကီၢ်ရ့ၣ်ဘျံးဒဝဲၢ်န့ၣ်လီၤ.ကၠိသရၣ်သရၣ်မုၣ်လၢဟဲထီၣ်တၢ်မၤလိတဖၣ်ခဲလၢာ်(၄၅)ဂၤလၢကၠိ(၁၅)ဖျၢၣ်န့ၣ်လီၤ.လံာ်လၢတၢ်ဟ့ၣ်တၢ်သိၣ်လိတဖၣ်မ့ၢ်ဝဲလံာ်တၢ်စံၣ်စိၤတဲစိၤ,လံာ်စဲအ့ၣ်,လံာ်ဟီၣ်ခိၣ်ဂီၤဒီး(Social Studies) သ့ၣ်တဖၣ်န့ၣ်လီၤ.

ဖဲလါစဲးပထ့ဘၢၤ ၉-၁၃,၂ဝ၂၅နံၤတၢ်မၤဝဲတၢ်ဟ့ၣ်လံာ်မိၢ်ၦၢ်တၢ်မၤလိဆူကၠိသရၣ်သရၣ်မုၣ်တဖၣ်လၢဘုသီပျီသဝီ, လၢၢ်မုၢ်လါကီၢ်ဆၣ်,ကီၢ်ရ့ၣ်ဘျံးဒဝဲၢ်န့ၣ်လီၤ.ကၠိသရၣ်သရၣ်မုၣ်တဖၣ်ဟဲလၢဟီၣ်ကဝီၤသၢဘ့ၣ်လၢအမ့ၢ်ထံမိၢ်ၦၢ်ထးခီ,ထံမိၢ်ၦၢ်လာ်ခီဒီးကဖိၣ်ကဝီၤလၢကၠိ(၁၉)ဖျၢၣ်,ကၠိသရၣ်/သရၣ်မုၣ်ခဲလၢာ်(၆၄)ဂၤန့ၣ်လီၤ.လံာ်လၢတၢ်ဟ့ၣ်တၢ်သိၣ်လိတဖၣ်မ့ၢ်ဝဲလံာ်တၢ်ဒွး,လံာ်ကညီ,လံာ်ကိၤလၤဝါဒီးလံာ်ပယီၤတဖၣ်န့ၣ်လီၤ.

လါစဲးပထ့ဘၢၤ ၁၅-၁၉,၂ဝ၂၅နံၤတၢ်မၤဝဲတၢ်ဟ့ၣ်လံာ်မိၢ်ၦၢ်တၢ်မၤလိဖဲလၢၢ်ဝါကျိသဝီ,ကမိၤသွ့ဟီၣ်ကဝီၤ,ကီၢ်ဆၣ် လၢၢ်ဒိၣ်စိ,ကီၢ်ရ့ၣ်ဘျံးဒဝဲၢ်န့ၣ်လီၤ.ကၠိလၢဟဲထီၣ်တၢ်မၤလိတဖၣ်ခဲလၢာ်(၁၈)ဖျၢၣ်ဒီးကၠိသရၣ်သရၣ်မုၣ်ခဲလၢာ်(၈၉)ဂၤန့ၣ်လီၤ.လံာ်လၢတၢ်ဟ့ၣ်တၢ်သိၣ်လိတဖၣ်မ့ၢ်ဝဲလံာ်တၢ်စံၣ်စိၤတဲစိၤ,လံာ်စဲအ့ၣ်,လံာ်ဟီၣ်ခိၣ်ဂီၤဒီး (Social Studies) သ့ၣ်တဖၣ်န့ၣ်လီၤ.

ကီၢ်ရ့ၣ်ကူၣ်သ့ဆဲးလၤလံာ်မိၢ်ပှၢ်တၢ်သိၣ်လိၦၤနဲၣ်တၢ်ဒီးကီၢ်ဆၣ်ကူၣ်သ့ဆဲးလၤၦၤဘၣ်မူဘၣ်ဒါတဖၣ်ရဲၣ်ကျဲၤမၤသကိးတၢ်လၢတၢ်သိၣ်လိအံၤကကဲထီၣ်အဂီၢ်န့ၣ်လီၤ.တၢ်တိာ်လၢတၢ်မၤလိတဘျီအံၤမ့ၢ်ဒ်သိးတၢ်ကမၤဂ့ၤထီၣ်ကၠိသရၣ်သရၣ်မုၣ်တဖၣ်အတၢ်သိၣ်လိကံၢ်စီ,ဒ်သိးကီၢ်သူလ့ၤကၠိသရၣ်သရၣ်မုၣ်တဖၣ်ကသ့ၣ်ညါနၢ်ပၢၢ်အါထီၣ်ကီၢ်သူလ့ၤလံာ်ညိၣ်သိၣ်ဒိၣ်တဖၣ်,ဒိးဒ်သိးကၠိသရၣ်သရၣ်မုၣ်တဖၣ်လၢအသိၣ်လိတၢ်လၢကီၢ်သူလ့ၤကၠိသ့ၣ်တဖၣ်အကၠိကနုာ်လီၤဘၣ်လၢကီၢ်သူလ့ၤပဒိၣ်တၢ်ဒိးစဲးအဂီၢ်န့ၣ်လီၤ.

လၢတၢ်ဟ့ၣ်တၢ်သိၣ်လိကတီၢ်တၢ်ကီတၢ်ခဲလၢဒုးယၤမ့ၢ်ဂ့ၤတၢ်စူၤဒိၣ်ထံဒိၣ်အဃိမ့ၢ်ဂ့ၤတအိၣ်ဝဲဒၣ်ဘၣ်.တၢ်မၤလိလဲၤသးဂ့ၤဂ့ၤဘၣ်ဘၣ်ဒ်တၢ်ပာ်လီၤတၢ်ရဲၣ်တၢ်ကျဲၤအသိးန့ၣ်လီၤ.တၢ်ဒုးတၢ်ယၤအိၣ်ဘၣ်ဆၣ်တအိၣ်ဘူးဒီးတၢ်ဟ့ၣ်တၢ်မၤလိတၢ်လီၢ်ဘၣ်အဃိတၢ်ကီတၢ်ခဲတအိၣ်ဘၣ်.