ဖဲ လါအီးထိဘၢၣ် ၄ သီ, ၂၀၂၅, ကီၢ်ရ့ၣ်ဖၣ်အၣ်, ကီၢ်ဆၣ်တန့ခၠါ, ကီၢ်မူရၢ်ပတီၢ်ထီပီညါကၠိအပူၤန့ၣ် ကညီကူၣ်သ့ဆဲးလၤ၀ဲၤကျိၤပှၤမၤတၢ်ဖိလၢလီၢ်ခၢၣ်သးဒီးကီၢ်ရ့ၣ်ပှၤမၤတၢ်ဖိသ့ၣ်တဖၣ်လဲၤဟ့ၣ်လီၤတၢ်ကဆှဲကဆှီပီးလီလၢကၠိဒီးတီၤဒၢးတၢ်ကဆှဲကဆှီအဂီၢ်, ကၠိဖိနီၢ်တဂၤတၢ်ကဆှဲကဆှီပီးလီ, ဒီးကၠိဖိပိၥ်မုၣ်သွံၣ်ထံလုၢ်လၢ်တၢ်အိၣ်ဆူၣ်အိၣ်ချ့တၢ်ကဆှဲကဆှီပီးလီ သ့ၣ်တဖၣ်န့ၣ်လီၤ.
ဖဲ လါအီးထိဘၢၣ် ၄ သီ, ၂၀၂၅, ကီၢ်ရ့ၣ်ဖၣ်အၣ်, ကီၢ်ဆၣ်တန့ခၠါ, ကီၢ်မူရၢ်ပတီၢ်ထီပီညါကၠိအပူၤန့ၣ် ကညီကူၣ်သ့ဆဲးလၤ၀ဲၤကျိၤပှၤမၤတၢ်ဖိလၢလီၢ်ခၢၣ်သးဒီးကီၢ်ရ့ၣ်ပှၤမၤတၢ်ဖိသ့ၣ်တဖၣ်လဲၤဟ့ၣ်လီၤတၢ်ကဆှဲကဆှီပီးလီလၢကၠိဒီးတီၤဒၢးတၢ်ကဆှဲကဆှီအဂီၢ်, ကၠိဖိနီၢ်တဂၤတၢ်ကဆှဲကဆှီပီးလီ, ဒီးကၠိဖိပိၥ်မုၣ်သွံၣ်ထံလုၢ်လၢ်တၢ်အိၣ်ဆူၣ်အိၣ်ချ့တၢ်ကဆှဲကဆှီပီးလီ သ့ၣ်တဖၣ်န့ၣ်လီၤ.
တကတီၢ်ဃီပှၤမၤတၢ်ဖိသ့ၣ်တဖၣ်ဟ့ၣ်တၢ်သ့ၣ်ညါနၢ်ပၢၢ်လၢကၠိဖိသ့ၣ်တဖၣ်,ဘၣ်ထွဲဒီးကဘၣ်ကတဲၥ်ကတီၤထံတၢ်ကဆှဲကဆှီ,တၢ်ဟးလီၢ်တၢ်ကဆှဲကဆှီ,နီၢ်တဂၤတၢ်ကဆှဲကဆှီတဖၣ်ဒီးဂဲၤလိသကိးတၢ်သ့စုအကျိၤအကျဲလၢအဘၣ်လိၥ်သးဒီးတၢ်သ့စုအတၢ်နဲၣ်ကျဲအသိးန့ၣ်လီၤ.ဟ့ၣ်ဃုၥ်တၢ်သ့ၣ်ညါနၢ်ပၢၢ်ဒီးတဲသကိးတၢ်လၢကၠိဖိပိၥ်မုၣ်သ့ၣ်တဖၣ်ဘၣ်ထွဲဒီးပိၥ်မုၣ်လုၢ်လၢ်သွံၣ်ထံတၢ်ဂ့ၢ်သ့ၣ်တဖၣ်ဒီးကဘၣ်သူ ပိၥ်မုၣ်သွံၣ်ထံလုၢ်လၢ်တၢ်အိၣ်ဆူၣ်အိၣ်ချ့တၢ်ကဆှဲကဆှီပီးလီ အကျိၤအကျဲဒီးတၢၤ ကွံၥ်အီၤလၢ အကျိၤအကျဲဘၣ်ဘၣ်အဂ့ၢ်သ့ၣ်တဖၣ်န့ၣ်လီၤ.
ဒ်သိးကၠိဖိသ့ၣ်တဖၣ်ကသ့ကတဲၢ်ကတီၤကၠိခိၣ်ဃၢၤတၢ်ကမှံၤသ့ၣ်တဖၣ်,ကသ့ၣ်ညါအါထီၣ်ထံလၢအလၢပှဲၤဒီးအကံၢ်အစီသ့ၣ်တဖၣ်,တၢ်ဟးလီၢ်တၢ်ကဆှဲကဆှီဒီးနီၢ်တဂၤတၢ်ကဆှဲကဆှီကဂ့ၤအါထီၣ်အဂီၢ်, ကၠိဖိပိၥ်မုၣ်သ့ၣ်တဖၣ်က ကွၢ်ထွဲလီၤအနီၢ်ကစၢ်တၢ်အိၣ်ဆူၣ်အိၣ်ချ့တၢ်ကဆှဲကဆှီအကျိၤအကျဲ လၢအဘၣ် ကသ့ဝဲအဂီၢ် တၢ်ရဲၣ်တၢ်ကျဲၤအံၤ ဘၣ်တၢ်မၤအီၤန့ၣ်လီၤ.
ကညီကူၣ်သ့ဆဲးလၤဝဲၤကျိၤ,ပှၤတဝၢတၢ်ပၣ်ဃုၥ်ပၣ်ဂီၢ်ဒီးတၢ်ဆီၣ်ထွဲတၢ်မၤလိန့ၢ်တၢ်ဝဲၤဒ့,ကၠိတၢ်အိၣ်ဆူၣ်အိၣ်ချ့တၢ်ရဲၣ်တၢ်ကျဲၤဘၣ်တၢ်ဟူးဂဲၤအီၤလၢကီၢ်ရ့ၣ်(၇)ဘ့ၣ်လၢကညီကူၣ်ဆဲးလၤဝဲၤကျိၤကၠိသ့ၣ်တဖၣ်န့ၣ်လီၤ. ကီၢ်ရ့ၣ်တဖၣ် အပူၤတၢ်တိၥ်ကျဲၤအံၤဟူးဂဲၤတ့ထီၣ်န့ၢ်ကၠိတၢ်ဟးလီၢ်ဒီးတၢ်သ့စုအလီၢ်သ့ၣ်တဖၣ်,ဒီးဟ့ၣ်တၢ်သ့ၣ်ညါနၢ်ပၢၢ်ဘၣ်ဃးတၢ်အိၣ်ဆူၣ်အိၣ်ချ့တၢ်မၤလိသ့ၣ်တဖၣ်န့ၣ်လီၤ.
