ကၠိဖိမိၢ်ပၢ်သ့ၣ်တဖၣ်ဒ်သိးဒီးကမၤသကိးတၢ်လၢတၢ်ကူၣ်ဘၣ်ကူၣ်သ့သနၢၣ် လၢအမ့ၢ်တၢ်မၤဂုၤထီၣ်ပသီထီၣ်ကၠိ
October 18th, 2024
•
Category
Photo
• Author:
KECD
ကၠိဖိမိၢ်ပၢ်သ့ၣ်တဖၣ်ဒ်သိးဒီးကမၤသကိးတၢ်လၢတၢ်ကူၣ်ဘၣ်ကူၣ်သ့သနၢၣ် လၢအမ့ၢ်တၢ်မၤဂုၤထီၣ်ပသီထီၣ်ကၠိ, တၢ်ပၣ်ဃုၥ်ပၣ်ဂီၢ်လၢတၢ်ဆီၣ်ထွဲမၤစၢၤတၢ်ကူၣ်ဘၣ်ကူၣ်သ့, တၢ်ဟ့ၣ်ဂံၢ်ဟ့ၣ်ဘါဖိလၢတၢ်ထီၣ်ကၠိ, တၢ်ဆီၣ်ထွဲကၠိဖိဒီးကၠိသရၣ်တဖၣ်အတၢ်အိၣ်မုၥ်ဆိးပၢၤ, ဒီး တၢ်ဃုစၢၤကၠိအစ့ သ့ၣ်တဖၣ် အဂီၢ် တၢ်ဒုးအိၣ်ထီၣ်ကၠိဖိမိၢ်ပၢ်ကၠိသရၣ်ကရၢန့ၣ်လီၤ.
လါယူၤလံ တုၤ စဲၣ်ပထ့ဘၢၣ်, ၂၀၂၄, ကညီကူၣ်သ့ဆဲးလၤဝဲၤကျိၤ, ပှၤတဝၢတၢ်ပၣ်ဃုၥ်ပၣ်ဂီၢ်ဒီး တၢ်ဆီၣ်ထွဲတၢ်မၤလိန့ၢ်တၢ်ဝဲၤဒ့, တၢ်ကရၢကရိမၤသကိးတၢ်ဒီးပှၤတဝၢဝဲၤဒ့ပြံ ရဲၣ်ကျဲၤဒုးအိၣ်ထီၣ် ကၠိဖိမိၢ်ပၢ်-ကၠိသရၣ်ကရၢ လၢကၠိ ၂၅ ဖျၢၣ် လၢကီၢ်ရ့ၣ် ၇ဘ့ၣ်ပူၤန့ၣ်လီၤ. လၢတၢ်ဒုးအိၣ်ထီၣ် ကၠိဖိမိၢ်ပၢ်ကၠိသရၣ်ကရၢအံၤ လီၢ်ကဝီၤပၥ်ဖှိၣ်မၤသကိးတၢ် မုၣ် ၇၇၅ ဂၤ, ဒီး ခွါ ၃၆၅ ဂၤ, ခဲလၢၥ် ၁၁၄၀ ဂၤန့ၣ်လီၤ.
၇/၉/၂၀၂၄, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်ဆီထံး တၢ်ဒုးအိၣ်ထီၣ် ကၠိဖိမိၢ်ပၢ်ကၠိသရၣ်ကရၢလၢ ထံဖးဒိၣ်ထၣ်တီၤထီကၠိန့ၣ်လီၤ. ကၠိဖိမိၢ်ပၢ်ဒီးပှၤဘၣ်မူဘၣ်ဒါခဲလၢၥ် ပၣ်ဖှိၣ်မၤသကိး ၆၇ဂၤ , မုၣ် ၄၁ ဂၤဒီးခွါ ၂၆ ဂၤန့ၣ်လီၤ.
