ကီၢ်ဆၣ်လၢၢ်မုၢ်လါ တၢ်မၤလၤကပီၤဟီၣ်ခိၣ်ဒီဖျၢၣ်ကၠိသရၣ်မုၢ်နံၤ

၅/၁၀/၂၀၂၄, ကီၢ်ရ့ၣ်ဘျံးဒဝဲၢ်, ကီၢ်ဆၣ်လၢၢ်မုၢ်လါ, ဖါမလဲကၠိ တၢ်မၤလၤကပီၤကၠိသရၣ်မုၢ်နံၤန့ၣ်လီၤ. တၢ်မၤတၢ်ရဲၣ်တၢ်ကျဲၤအံၤ ဘၣ်တၢ်ရဲၣ်ကျဲၤအီၤလၢ ဒူသဝီခိၣ်နၢ်တဖၣ်ဒီး လီၢ်ကဝီၤဘၣ်မူဘၣ်ဒါတဖၣ်န့ၣ်လီၤ. တၢ်ဟူးတၢ်ဂဲၤဒ်အမ့ၢ် တၢ်ကတိၤဟ့ၣ်ဂံၢ်ဟ့ၣ်ဘါ, တၢ်ကတိၤဆီၣ်တခူထီၣ် ဒီးတၢ်ကတိၤဟ့ၣ်ကူၣ်ဟ့ၣ်ဖးတဖၣ် ဘၣ်တၢ်မၤအီၤန့ၣ်လီၤ. ကၠိသရၣ်/မုၣ်တဖၣ်သူၣ်ဖှံသးညီလၢမုၢ်နံၤအံၤန့ၣ်လီၤ.

တနံၣ်အံၤ(၂၀၂၄-၂၀၂၅ ကူၣ်သ့နံၣ်) လၢကီၢ်ရ့ၣ်နွံဘ့ၣ်ပူၤ ကညီကူၣ်သ့ဆဲးလၤဝဲၤကျိၤ ရဲၣ်ကျဲၤ မၤလၤကပီၤ ဟီၣ်ခိၣ်ဒီဖျၢၣ်ကၠိသရၣ်မုၢ်နံၤ လၢတၢ်လီၢ်(၁၆)တီၤန့ၣ်လီၤ.