တၢ်လီၤဟးလၢတၢ်မၤပျီပူၤတၢ်လီၤအိၣ်သကိးကၠိဖိမိၢ်ပၢ်,ခိၣ်နၢ်တဖၣ်,ကၠိဖိ,ကၠိသရၣ်
နိၤဝ့ဘၢၣ်အကတၢၢ်တနွံ ,၂ဝ၂၃နံၣ် တၢ်ဆဲးကျိးဆဲးကျၢဒီးတၢ်ကတိၤန့ၢ်ခဲးတၢ်အိၣ်ဒီးတၢ်လဲၤဟးအိၣ်သကိးကၠိ လၢ ကီၢ် ရ့ၣ်ဘျံးဒဝဲၢ်, ကီၢ်ဆၣ်လၢၢ်မုၢ်လါအပူၤန့ၣ်လီၤ.(စကောကရင်)
လၢတၢ်လဲၤတဘျီအံၤတၢ်ဟးအိၣ်သကိးဝဲကၠိတဖၣ်အကျါပၣ်ဃုာ်ဒီးလၢၢ်မုၢ်လါတီၤထီကၠီတဖျၢၣ်န့ၣ်လီၤ.ဒီးတၢ်ဒုးသ့ၣ်ညါဘၣ်ဝဲကညီကူၣ်သ့ဆဲးလၤဝဲၤကျိၤတၢ်တိာ်ကူၣ်ကျဲၤခိၣ်သ့ၣ်ဒီးတၢ်ကရၢကရိထီၣ်တၢ်ရဲၣ်တၢ်ကျဲၤ၂ဝ၂၃-၂ဝ၂၆နံၣ်,ကညီကူၣ်သ့ဆဲးလၤဝဲၤကျိၤတၢ်အိၣ်သူၣ်ထီၣ်ဆီလီၤသး,ဝဲၤဒ့တဖၣ်အတၢ်ဟူးတၢ်ဂဲၤတၢ်ဖံးတၢ်မၤ,ကညီကူၣ်သ့အတၢ်စံၣ်စိၤ,တကီၢ်ခါကညီကူၣ်သ့ဆဲးလဲၤဝဲၤကျိၤအတၢ်အိၣ်သးတဖၣ်,ပတီၢ်ထီပီညါတဖၣ် ဒီးတၢ်န့ၢ်ခွဲးလၢတၢ်ဆဲးထီၣ်ကၠိလၢထံဂုၤကီၢ်ဂၤဖၠၣ်စိမိၤ ဆူကၠိဖိတဖၣ်န့ၣ်လီၤ. အါန့ၢ်အန့ၣ် အိၣ်စ့ၢ်ကီးဒီးတၢ်ထံၣ်လိာ်ကတိၤသကိးတၢ်ဒီးကၠိသရၣ်တဖၣ်,ကၠိဖိမိၢ်ပၢ်တဖၣ်,ခိၣ်နၢ်ဒီးကၠိကမံာ်တံးတဖၣ်အပူၤဒုးသ့ၣ်ညါစ့ၢ်ကီးတၢ်ဂ့ၢ်ဒ်အဖီခိၣ်တဖၣ်ဒီးကတိၤသကိးတၢ်ဂ့ၢ်တၢ်ကျိၤဘၣ်ထွဲတၢ်ကူၣ်ဘၣ်ကူၣ်သ့အတၢ်လဲၤထီၣ်လဲၤထီ,ဒီးဆူမဲာ်ညါတၢ်မၤသကိးတၢ်လၢတၢ်ကူၣ်ဘၣ်ကူၣ်သ့အကျိၤအကျဲတဖၣ်န့ၣ်လီၤ. (စကောကရင်)
တၢ်လဲၤဟးအိၣ်သကိးကၠိတၢ်ပညိၣ် ဒ်သိးဒီးကၠိဖိတဖၣ်ကသူၣ်ဆူၣ်သးဂဲၤလၢတၢ်ကူၣ်ဘၣ်ကူၣ်သ့အါထီၣ်,ကသ့ထံၣ်စိဝဲအနီၢ်ကစၢ်တၢ်မုၢ်လၢ်ကွၢ်စိဒီးသ့ကတဲာ်ကတီၤသးလၢတၢ်မၤလိပတီၢ်ထီပီညါတဖၣ်အဂီၢ်န့ၣ်လီၤ. ကၠိဖိမိၢ်ပၢ်,ကၠိသရၣ်,ကၠိကမံာ်တံး,ဒီးလီၢ်ကဝီၤခိၣ်နၢ်တဖၣ်ကမၤသကိးတၢ်ဒီးမၤစၢၤကညီကူၣ်သ့ဆဲးလၤဝဲၤကျိၤအါထီၣ်န့ၣ်လီၤ.(စကောကရင်)
