ပိာ်ဖီပူၤကၠိဖိ,ကၠိသရၣ်,ကၠိဖိမိၢ်ပၢ်တၢ်ရ့လိာ်မုာ်လိာ်

၅-၈.၁.၂ဝ၂၄နံၤကီၢ်ရ့ၣ်ဒူသထူၣ်,ကီၢ်ဆၣ်ကၠဲးထိၣ် အိၣ်ဒီးကၠိဖိတၢ်ရ့လိာ်မုာ်လိာ်အတၢ်ဟူးတၢ်ဂဲၤန့ၣ်လီၤ.(စကောကရင်)

ၦၤလၢအပၣ်ဃုာ်မၤသကိးတၢ်လၢကၠိဖိ,ကၠိသရၣ်,ကၠိဖိမိၢ်ပၢ်တၢ်ရ့လိာ်မုာ်လိာ်တဖၣ်မ့ၢ်ဝဲ ကၠိဖိ,ကၠိသရၣ်,ကၠိဖိမိၢ်ပၢ်,ကၠိကမံးတံာ်ဒီးလီၢ်ကဝီၤဒူသဝီခိၣ်နၢ်ဒီးကူၣ်သ့ဆဲးလၤဝဲၤကျိၤၦၤမၤတဖၣ်ဖိ(လီၢ်ခၢၣ်သး,ကီၢ်ရ့ၣ်,ကီၢ်ဆၣ်)တဖၣ်န့ၣ်လီၤ.တၢ်ကွဲမုာ်ဝဲကၠိ(၉)ဖျၢၣ်လၢကရူၢ်(၂)ဘ့ၣ်အပူၤန့ၣ်လီၤ. (စကောကရင်)

လၢတၢ်ရဲၣ်တၢ်ကျဲတဘျီအံၤတၢ်ရဲၣ်ကျဲၤန့ၢ်ကၠိဖိတၢ်ဂဲၤလိာ်ကွဲ ဖျၢၣ်ထူ,ဖျၢၣ်ၦီၢ်,ဒီးဖျၢၣ်ဃၤတဖၣ်န့ၣ်လီၤ.ဒီးလၢဟါခီအိၣ်စ့ၢ်ကိးဒီးပူထးသွဲတၢ်ပြၢ,ဖိသၣ်တၢ်ဂဲၤကလံၣ်တဖၣ်န့ၣ်လီၤ.မ့မ့ၢ်လၢကၠိဖိမိၢ်ပၢ်ကၠိကမံးတံာ်တဖၣ်အဂီၢ်တခီတၢ်ရဲၣ်ကျဲၤန့ၢ်အီၤတၢ်ပြၢတၢ်လၢအမ့ၢ်တၢ်ထ့တၢ်(ထ့ကု,ထ့ဃၤ) အကလုာ်ကလုာ်န့ၣ်လီၤ.(စကောကရင်)

ကညီကူၣ်သ့ဆဲးလၤဝဲၤကျိၤၦၤမၤတၢ်ဖိ(လီၢ်ခၢၣ်သး )အိၣ်စ့ၢ်ကီးဒီးတၢ်ဟ့ၣ်တၢ်သ့ၣ်ညါနၢ်ပၢၢ်ဘၣ်ဃးမိၢ် ကျိာ်ခီၣ်တဃာ်ဆူကျိာ်အါ ကျိာ်,ဖိသၣ်ခွဲးယာ်,GEDSI ဒီးတၢ်ဒုးသ့ၣ်ညါကညီကူၣ်သ့ဆဲးလၤဝဲၤကျိၤ တၢ်စံၣ်စိၤ,ဝဲၤကျိၤတၢ်အိၣ်သူၣ်ထီၣ် ဆီလီၤသးအကံၢ်အဂီၤတဖၣ်ဒီးပတီၢ်ထီပီညါအဂ့ၢ်အဂ့ၢ်တနီၤန့ၣ်လီၤ.(စကောကရင်)

ကီၢ်ဆၣ်ကၠဲးထိၣ်ပူၤဘၣ်ဃးဒီးတၢ်မၤကၠိဖိတၢ်ရ့လိာ်မုာ်လိာ်အံၤမ့ၢ်တၢ်အခီၣ်ထံးကတၢၢ်တဘျီဒီးၦၤကမျၢၢ်,ဒီးကၠိသရၣ်တဖၣ်,ကၠိဖိတဖၣ်ဒီးလီၢ်ကဝီၤခိၣ်နၢ်တဖၣ်အိၣ်ဒီးတၢ်သူၣ်ဆူၣ်သးဆူၣ်လၢတၢ်ဟူးတၢ်ဂဲၤတခါအံၤန့ၣ်လီၤ.(စကောကရင်)