တၢ်လုၢ်အီၣ်သးမူကၠိ(Vocational Training) ကၠိ ပျၢ်အမူးတၢ်ကစီၣ်
May 3rd, 2024
•
Category
News
• Author:
KECD
ဖဲ ၂ဝ/၁ဝ/၂ဝ၂၃အနံၤ ကီၢ်ရ့ၣ်ဖၣ်အၣ်,ကီၢ်ဆၣ်တၢ်ကြဲၢ်,သဝီ ပံၢ်တခးအပူၤ (Batch 3/2023) VT ကၠိအ(course)အိၣ်ဒီးတၢ်ပျၢ်ကၠိအမူးန့ၣ်လီၤ.ကၠိပျၢ်အမူးတဘျီအံၤကူၣ်သ့ဆဲးလၤဝဲၤကျိၤ(လီၢ်ခၢၣ်သး,ကီၢ်ရ့ၣ်,ကီၢ်ဆၣ်),လီၢ်ကဝီၤၦၤဘၣ်မူဘၣ်ဒါ,ၦၤတဝၢ,ကၠိသရၣ်ဒီးကၠိဖိတဖၣ်ပာ်ဖှိၣ်မၤသကိးတၢ်လၢကၠိပျၢ်တၢ်ရဲၣ်တၢ်ကျဲၤန့ၣ်လီၤ.(စကောကရင်)
(Batch 3/2023) VT ကၠိအ(course)အံၤတၢ်ဂ့ၢ်ခိၣ်တီလၢတၢ်သိၣ်လိအီၤတဖၣ်မ့ၢ်ဝဲ တၢ်ဆးစဲး,တၢ်ဘှီစဲးဖီကဟၣ်,တၢ်တဲာ်ခိၣ်သူဒီးတၢ်ဆဲၣ်ဃံအကလုာ်ကလုာ် တဖၣ်န့ၣ်လီၤ. လၢတၢ်မၤလိတဘျီညါအံၤ တၢ်ရဲၣ်ကျဲၤအီၤ တၢ်မၤလိလီၢ်(၃)တီၤ လၢအမ့ၢ်(စကောကရင်)
ကီၢ်ရ့ၣ် ဒူပျာ်ယာ် ,ကီၢ်ဆၣ်ဝီၢ်ရ့ၣ် အပျိၢ် တၢ်မၤလိလီၢ်, ကၠိဖိထီၣ်မၤလိဝဲ တၢ်ဘှီစဲး ဖီကဟၣ်မုၣ်(ဝ)ဂၤ,ခွါ(၁၈)ဂၤဒီးကၠိသရၣ်သိၣ်လိတၢ်တဖၣ်မုၣ်(ဝ)ဂၤခွါ(၂)ဂၤန့ၣ်လီၤ.တၢ်သိၣ်လိ(course)စးထီၣ်(၂၄.၇.၂ဝ၂၃)တုၤ(၂၅.၉.၂ဝ၂၃) အနံၤန့ၣ်လီၤ. (စကောကရင်)
ကီၢ်ရ့ၣ် ဒူပျာ်ယာ်, ကီၢ်ဆၣ်ကြူတု, ထံဂုၢ်သီတၢ်မၤလိလီၢ်, ကၠိဖိထီၣ်မၤလိဝဲ တၢ်ဆးစဲး မုၣ်(၂၅)ဂၤ,ခွါ(ဝ)ဂၤ,တၢ်တဲာ်ခိၣ်သူဒီးတၢ်ဆဲၣ်ဃံအကလုာ်ကလုာ် မုၣ်(ဝ)ဂၤ,ခွါ(၁၅)ဂၤဒီးကၠိသရၣ်သိၣ်လိတၢ်တဖၣ်မုၣ်(၂)ဂၤခွါ(၂)ဂၤန့ၣ်လီၤ.တၢ်သိၣ်လိ(course)စးထီၣ်(၂၄.၇.၂ဝ၂၃)တုၤ(၂၃.၈.၂ဝ၂၃) အနံၤန့ၣ်လီၤ.(စကောကရင်)
ကီၢ်ရ့ၣ် ဖၣ်အၣ်, ကီၢ်ဆၣ် တၢ်ကြဲၢ်, ပံၢ်တခး တၢ်မၤလိလီၢ်, ကၠိဖိထီၣ်မၤလိဝဲ တၢ်ဆးစဲး မုၣ်(၂ဝ)ဂၤ,ခွါ(ဝ)ဂၤ,တၢ်တဲာ်ခိၣ်သူဒီးတၢ်ဆဲၣ်ဃံအကလုာ်ကလုာ် မုၣ်(၉)ဂၤ,ခွါ(၁၁)ဂၤဒီးကၠိသရၣ်သိၣ်လိတၢ်တဖၣ်မုၣ်(၃)ဂၤခွါ(၂)ဂၤန့ၣ်လီၤ.တၢ်သိၣ်လိ(course)စးထီၣ်(၁၇.၈.၂ဝ၂၃)တုၤ(၂ဝ.၁ဝ.၂ဝ၂၃) အနံၤန့ၣ်လီၤ. (စကောကရင်)
ကူၣ်သ့ဆဲးလၤဝဲၤကျိၤ,တၢ်တိာ်ကျဲၤလီၤဆီဝဲၤဒ့အဖီလာ်အိၣ်ဒီးတၢ်စုသ့ခီၣ်ဘၣ်တၢ်မၤလိတၢ်ရဲၣ်တၢ်ကျဲၤ (VT)န့ၣ်လီၤ.VT ကၠိအံၤဒုးအိၣ်ထီၣ်န့ၢ်သူၣ်ဘီၣ်သးစၢ်သ့ၣ်တဖၣ်တၢ်စုသ့ခီၣ်ဘၣ်အကလုာ်ကလုာ်ဒီးတၢ်ပညိၣ်လၢ သူၣ်ဘီၣ်သးစၢ်တဖၣ်ကအိၣ်ဒီးတၢ်စုသ့ခီၣ်ဘၣ်ဒီးကအိၣ်ဒီးနီၢ်ကစၢ်တၢ်ဖံးတၢ်မၤလၢကသ့လုၢ်အီၣ်နီၢ်ခိသးသမူအဂီၢ်န့ၣ်လီၤ.(စကောကရင်)
