၂ဝ၂၃-၂ဝ၂၄ တၢ်မၤလိနံၣ် နီၣ်ကြူးတီၤ တီၤထီကၠိ တၢ်ပျၢ်ကၠိအမူး
May 8th, 2024
•
Category
News
• Author:
KECD
၂ဝ၂၃-၂ဝ၂၄ တၢ်မၤလိနံၣ် နီၣ်ကြူးတီၤ တီၤထီကၠိ တၢ်ပျၢ်ကၠိအမူး ဖဲသဝီ နီၢ်ကြူးတီၤ,ကီၢ်ဆၣ်လၢၢ်ဒိၣ်စိ,ကီၢ်ရ့ၣ်ဘျံးဒဝဲၢ်ပူၤ န့ၣ်လီၤ.နီၣ်ကြူးတီၤကၠိအံၤ ကၠိသရၣ်,သရၣ်မုၣ် နီၣ်ဂံၢ်ခဲလၢာ်အိၣ်ဝဲ(၂၇)ဂၤဒီး ကၠိဖိနီၣ်ဂံၢ်အိၣ်ဝဲ(၄၁၈)ဂၤန့ၣ်လီၤ.တၢ်ပျၢ်ကၠိတဘျီအံၤအိၣ်ဃုာ်ဒီးတၢ်ဟ့ၣ်လီၤက့ၤ ခိၣ်ဖးဆူကၠိဖိလၢမၤလိတၢ်ဖျိးစိသ့ၣ်တဖၣ်ဃုာ်ဒီးတၢ်ပျၢ်ကၠိအမူးသးဖှံတၢ်ရဲၣ်တၢ်ကျဲၤ စ့ၢ်ကီးန့ၣ်လီၤ.တီၤထီကၠိအံၤအိၣ်တုၤ(၁၁)တီၤန့ၣ်လီၤ.
လၢကၠိပျၢ်တၢ်ရဲၣ်တၢ်ကျဲၤတဘျီအံၤ ကၠိကမံးတံာ်တဖၣ်,ကီၢ်ဆၣ်ကူၣ်သ့ဆဲးလၤဝဲၤကျိၤၦၤမၤတၢ်ဖိဒီးအဂၤတဖၣ် ဟဲထီၣ်ပၣ်ဃုာ်မၤသကိးတၢ် နီၢ်ဂံၢ်ခဲလၢာ်အိၣ်လၢ(၆ဝဝ)ဂၤဃၣ်ဃၣ်န့ၣ်လီၤ.ကၠိလၢအိၣ်ဘူးဖဲန့ၣ်တနီၤဟဲပၣ်ဖှိၣ်မၤသကိးတၢ်စ့ၢ်ကီးန့ၣ်လီၤ.
