School Fellowship & MRE Community Safety Event
တၢ်မၤကၠိတၢ်ရ့လိာ်မုာ်လိာ်ဖဲကၠီၢ်ထၣ်တီၤထီကၠိ(စကောကရင်)
ဖဲ (၁၂,၉,၂ဝ၂၃)နံၤ ကညီကူၣ်သ့ဆဲးလၤဝဲၤကျိၤမၤဝဲကၠိတၢ်ရ့လိာ်မုာ်လိာ်ဖဲကီၢ်ရ့ၣ်ဒူပျာ်ယာ်,ကီၢ်ဆၣ်ကီးတရံး ဖဲကၠီၢ်ထၣ်တီၤထီကိၠန့ၣ်လီၤ.လၢတၢ်ရဲၣ်တၢ်ကျဲၤတဘျီအံၤကၠိဟဲထီၣ် ပာ်ဖှိၣ်ထီၣ်သး(၄)ဖျၢၣ်ဒ်အမ့ၢ်ကၠီၢ်ထၣ် တီၤထီကၠိ,ပိယ့တီၤထီကၠိ,ကွံချၢၣ်တီၤ ထီကၠိသ့ၣ်တဖၣ်န့ၣ်လီၤ.တၢ်ရဲၣ်တၢ်ကျဲၤပူၤကၠိဖိ,ကၠိသရၣ်,ကၠိဖိမိၢ်ပၢ်,ကၠိ ကမံးတံာ်ဒီးၦၤမၤတၢ်ဖိထီၣ်ဝဲခဲလၢာ်(၂၄၇)ဂၤန့ၣ်လီၤ. (စကောကရင်)
ကညီကူၣ်သ့ဆဲးလၤဝဲၤကျိၤနဲၣ်ရွဲၣ်တၢၣ်ပီၣ်တဲသကိးတၢ်ဒီးကၠိသရၣ်,ကၠိဖိမိၢ်ပၢ်,ကၠိကမံးတံာ်သ့ၣ်တဖၣ်ဒ်ကမၤဂ့ၤထီၣ်က့ၤအတၢ်ပညိၣ်သ့ၣ်တဖၣ်န့ၣ်လီၤ. ကီၢ်ရ့ၣ်(MTT)မူဒါခိၣ်တခီဟ့ၣ်တၢ်သ့ၣ်ညါဘၣ်ဃးမ့ၣ်ပိၢ်တၢ်လီၤ ဘၣ် ယိၣ်သ့ၣ်တဖၣ်န့ၣ်လီၤ. (စကောကရင်)
တၢ်ရဲၣ်တၢ်ကျဲၤအိၣ်ဃုာ်ဒီးကၠိဖိတၢ်ရ့လိာ်မုာ်လိာ်,တၢ်ဂဲၤလိာ်ကွဲကၠိဖိဖျၢၣ်ထူပိာ်မုၣ်ပိာ်ခွါ,ဖျၢၣ်ၦီၢ်ကၠိဖိပိာ်မုၣ်, ပိာ်ခွါ န့ၣ်လီၤ. အိၣ်ဃုာ်စ့ၢ်ကီးဝဲဒီးတၢ်ဟ့ၣ်ခိၣ်ဖးန့ၣ်လီၤ. ဖဲ ၁၁,၂ဝ၂၃နံၤဟါခီ တၢ်ရဲၣ်တၢ်ကျဲၤကၠိဖိတၢ်သူၣ် ဝံၣ်သး ဆၢ,ကၠိဖိတၢ်သးဝံၣ်,တၢ်ဂံၤကလံၣ်,ပူသ့ၣ်တဖၣ်န့ၣ်လီၤ.ကၠိဖိတၢ်ဂဲၤကလံၣ်အကျါပၣ်ဃုာ်ဒီးတီသူတၢ်ဂဲၤ ကလံၣ်န့ၣ်လီၤ.ကၠိတၢ်ရ့လိာ်မုာ်လိာ်တဘျီအံၤတၢ်မၤအီၤဖဲကၠီၢ်ထၣ်တီၤထီကၠိ,ကီးတရံးကီၢ်ဆၣ်,ဒူပျာ်ယာ်ကီၢ်ရ့ၣ်န့ၣ်လီၤ.(စကောကရင်)
ဒူပျာ်ယာ်ကီၢ်ရ့ၣ်,မ့ၢ်ကီၢ်ရ့ၣ်တဘ့ၣ်လၢကညီကလုာ်တဖၣ်အိၣ်ဃုာ်ဝဲဒီးကလုာ်အါကလုာ်,ဒီးကလုာ်ဂၤသဝီသ့ၣ်တဖၣ်အိၣ်ဝဲစ့ၢ်ကီးန့ၣ်လီၤ. ကညီကလုာ်ဒ်အမ့ၢ်ကညီစှီၤ,ကညီမိၢ်ထံး(ၦိၢ်)ဒီးတီသူ,တလၢၤ,ပယီၤ,ဒီး အဂၤတ ဖၣ်အိၣ်ဆိးဝဲဒၣ်န့ၣ်လီၤ.(စကောကရင်)
