ကညီကူၣ်သ့ဆဲးလၤ၀ဲၤကျိၤခၢၣ်စး လဲၤထီၣ်လွံၢ်ဘျီတဘျီ ထံဂုၤကီၢ်ဂၤ ကီၢ်ပယီၤတၢ်ဃုထံၣ်သ့ၣ်ညါ တၢ်အိၣ်ဖှိၣ်

၂-၄/၈/၂၀၂၄ အနံၤ တၢ်မၤဝဲထံဂုၤကီၢ်ဂၤ လွံၢ်ဘျီတဘျီ ကီၢ်ပယီၤ တၢ်ဃုထံၣ်သ့ၣ်ညါ တၢ်အိၣ်ဖှိၣ်ဖဲဝ့ၢ်ကံၢ်မဲန့ၣ်လီၤ. လၢတၢ် အိၣ်ဖှိၣ်တဘျီအံၤ ကလုၥ်ဒူၣ်ပှၤကူၣ်ဘၣ်ကူၣ်သ့ဒီးထံဂုၤကီၢ်ဂၤပှၤကူၣ်ဘၣ်ကူၣ်သ့ဖးဒိၣ် သ့ၣ် တဖၣ် ဟဲ ထီၣ်၀ဲ ပှၤနီၢ်ဂံၢ် ကအိၣ်လၢ ၆၀၀ ဂၤဃၣ်ဃၣ်ညါန့ၣ်လီၤ. ကညီကူၣ်သ့ဆဲးလၤ၀ဲၤကျိၤခၢၣ်စးသ့ၣ်တဖၣ်လဲၤထီၣ်သကိး တၢ်အိၣ် ဖှိၣ်ဒီးကတိၤန့ၢ်ခဲးတၢ်လၢတၢ်ကူၣ်ဘၣ်ကူၣ်သ့အဂီၢ်န့ၣ်လီၤ.

လၢတၢ်အိၣ်ဖှိၣ်ပူၤ ပတီၢ်ထီပီညါ၀ဲၤဒ့တၢ်ပၢဆှၢရဲၣ်ကျဲၤ၀ဲၤဒၢးဂ့ၢ်၀ီမူဒါခိၣ်ဒီးတၢ်ဆဲးကျိးဒီးတၢ်ကတိၤန့ၢ်ခဲးတၢ်မူဒါခိၣ် ပၥ်ဖျါထီၣ် Resilience of Karen Higher Education System, ဂ့ၢ်ခီထံးပီညါ၀ဲၤဒ့ တၢ်သိၣ်လိ၀ဲၤဒ့ပြံခိၣ် ပၥ်ဖျါထီၣ် တၢ်ဃုထံၣ်သ့ၣ်ညါတၢ်ဂ့ၢ် လၢအမ့ၢ်၀ဲ (a comparative case study of Karen education) ဒီး ကညီကူၣ်သ့ဆဲးလၤဝဲၤကျိၤ M & E မူဒါခိၣ် ပၥ်ဖျါထီၣ်၀ဲ တၢ်ဃုထံၣ်သ့ၣ်ညါ လၢအမ့ၢ် Karen Education in Myanmar: Challenges, Responses, and Resilience တဖၣ်အဂ့ၢ်န့ၣ်လီၤ. လၢတၢ်အိၣ်ဖှိၣ်တဘျီအံၤ ကညီကူၣ်သ့ဆဲးလၤ၀ဲၤကျိၤခၢၣ်စးခဲလၢၥ်ပၣ်ဃုၥ်ပၣ်ဂီၢ်၀ဲ ၆ ဂၤန့ၣ်လီၤ.