ကညီကူၣ်သ့ဆဲးလၤ၀ဲၤကျိၤဒီးကညီကၠိသရၣ်မၤသကိးတၢ်ကရူၢ် တၢ်ဒုးနဲၣ် လၢတၢ်ကူၣ်ဘၣ်ကူၣ်သ့မူး

၉/၇/၂၀၂၄, တၢ်မၤ၀ဲကလုၥ်ဒူၣ်တၢ်ကူၣ်ဘၣ်ကူၣ်သ့ အမူး(event) လၢ၀့ၢ်ကံၢ်မဲန့ၣ်လီၤ. လၢမူးအ၀ဲန့ၣ် ကညီကူၣ်သ့ ဆဲးလၤ၀ဲၤကျိၤဒီးကညီကၠိသရၣ်မၤသကိးတၢ်ကရူၢ် အိၣ်ဒီးတၢ်ဒုးနဲၣ်ဘၣ်ဃးကညီကူၣ်သ့အဂ့ၢ်အကျိၤ လၢ တၢ်ကွဲး ထုးထီၣ်ရၤလီၤတဖၣ် ဒ်အမ့ၢ် မိၢ်ကျိၥ်ခီၣ်တဃၥ်ဆူကျိၥ်အါကျိၥ်တၢ်ဂ့ၢ်တၢ်ကျိၤအလံၥ်တဖၣ်, တၢ်ကရၢ ကရိ အဂ့ၢ် ဖုၣ်လံၥ်ရၤလီၤတဖၣ်, တၢ်ကစီၣ်အလံၥ်တဖၣ်ဒီးကညီကူၣ်သ့သနူအစိၤစိၤအဂ့ၢ်လၢပ့းဖးလဲၢ် သ့ၣ်တဖၣ်န့ၣ်လီၤ. ဘၣ်ထွဲဒီးကညီကူၣ်သ့တၢ်ဖံးတၢ်မၤတၢ်ဟူးတၢ်ဂဲၤတၢ်ဂ့ၢ် တၢ်ကျိၤ အကလုၥ်ကလုၥ်သ့ၣ်တဖၣ် တၢ်ဒုးနဲၣ်စ့ၢ်ကိးခီဖျိတၢ်ဂီၤမူ န့ၣ်လီၤ.

လၢတၢ်ကူၣ်ဘၣ်ကူၣ်သ့အမူးတဘျီအံၤ ကလုၥ်ဒူၣ်တၢ်ကရၢကရိလၢကီၢ်ပယီၤတဖၣ်ဟဲထီၣ်ပၥ်ဖှိၣ်မၤသကိးတၢ်ဒီး လၢကညီကူၣ်သ့ဆဲးလၤ၀ဲၤကျိၤဒီးကညီကၠိသရၣ်မၤသကိးတၢ်ကရူၢ်ပၣ်ဃုၥ်၀ဲခဲလၢၥ် ၄ဂၤ, မုၣ် ၂ ဂၤဒီးခွါ(၂)ဂၤန့ၣ် လီၤ. လၢကညီကူၣ်သ့ဆဲးလၤ၀ဲၤကျိၤတခီ တၢ်သိၣ်လိ၀ဲၤပြံခိၣ်, မိၢ်ကျိၥ်ခီၣ်တဃၥ်ဆူကျိၥ်အါကျိၥ်တၢ်ကူၣ်ဘၣ်ကူၣ် သ့၀ဲၤဒ့ပြံခိၣ်, ဒီးတၢ်ဆဲးကျိးဒီးတၢ်ကတိၤန့ၣ်ခဲးတၢ်၀ဲၤဒ့ပြံခိၣ်သ့ၣ်တဖၣ်ပၣ်ဃုၥ်မၤသကိးတၢ်န့ၣ်လီၤ. လၢကညီကၠိ သရၣ်မၤသကိးတၢ်ကရူၢ်တခီ Monitoring and Evaluation Assistance Coordinator ပၣ်ဃုၥ်မၤသကိးတၢ်န့ၣ်လီၤ. တၢ်မၤတၢ်ကူၣ်ဘၣ်ကူၣ်သ့မူးအံၤဒ်သိးဒီးတၢ်ကဒုးအိၣ်ထီၣ်တၢ်ရ့လိၥ်မုၥ်လိၥ်, တၢ်ဆဲးကျိးကဂ့ၤထီၣ်လၢကလုၥ်ဒုၣ် တဖုၣ်ဒီးတဖု ကဟ့ၣ်ခီဟ့ၣ်နီၤလိၥ်သးတၢ်သ့တၢ်ဘၣ်လၢအလီၤဆီလိၥ်သးသ့ၣ်တဖၣ်ကဒဲကဒဲ န့ၣ်လီၤ. လၢကညီ ကူၣ်သ့ဆဲးလၤဝဲၤကျိၤဒီးကညီကၠိကသရၣ်မၤသကိးတၢ်ကရူၢ် တၢ်မၤတၢ်ဒုးနဲၣ်တခီ တၢ်ပညိၣ်လၢတၢ်ပၥ်ဖျါထီၣ် ဒီး တၢ်ပၥ်ပနီၣ် တၢ်ဖံးတၢ်မၤလၢအဘၣ် တၢ်မၤအီၤလၢ လီၢ်က၀ီၤခိၣ်နၢ်,ကၠိသရၣ်,ကၠိဖိ, ကၠိကမံးတံၥ်, ခိၣ်နၢ်ဒိၣ်ထီ, တၢ်တိၥ်ကျဲၤခိၣ် သ့ၣ်တဖၣ်ဒီးပှၤမၤတၢ် ဖိသ့ၣ်တဖၣ်အတၢ်မၤဂ့ၤန့ၣ်လီၤ.