ကညီကူၣ်သ့ဆဲးလၤ၀ဲၤကျိၤ လီၢ်ခၢၣ်သးတၢ်လဲၤအိၣ်သကိးတီၤထီကၠိတဖၣ်
၄-၆/၆/၂၀၂၄ ကညီကူၣ်သ့ဆဲးလၤ၀ဲၤကျိၤလီၢ်ခၢၣ်သး ဒီးကီၢ်ရ့ၣ်တၢ်ဆဲးကျိးဆဲးဒီးတၢ်ကတိၤန့ၢ်ခဲးတၢ် အိၣ်ဒီးတၢ်လဲၤဟးအိၣ်သကိးကၠိလၢကီၢ်ရ့ၣ်ဒူသထူၣ် န့ၣ်လီၤ. လၢ ၃သီအတီၢ်ပူၤ လဲၤဟးအိၣ်သကိးတီၤထီကၠိ ၃ ဖျၢၣ်လၢအအိၣ်သူၣ်လီၤသးလၢ ကီၢ်ဆၣ်ဘံလ့ ၂ဖျၢၣ်ဒီးလၢကီၢ်ဆၣ်ဖၣ်အၣ်ပူၤ တဖျၢၣ်န့ၣ်လီၤ. လၢတၢ်လဲၤ ဟးအိၣ်သကိးကၠိတဘျီအံၤတၢ်ထံၣ်လိၥ်သးဒီးသရၣ်/မုၣ်တဖၣ်ဒီးတၢ်ကတိၤသကိးစ့ၢ်ကီးတၢ်ဒီးကၠိဖိသ့ၣ်တဖၣ် စ့ၢ်ကီး န့ၣ်လီၤ.
လၢတၢ်ထံၣ်လိၥ်သးဒီးကၠိသရၣ်သးတဖၣ် တဲသကိးဘၣ်ဃးတၢ်ကူၣ်ဘၣ်ကူၣ်သ့ တၢ်ဖံးတၢ်မၤအတၢ်လဲၤတရံးသး တၢ်ဘၣ်ကွၢ်ဆၢၣ်မဲၥ်သ့ၣ်တဖၣ်ဒီးတၢ်လၢအလဲၤသးဘၣ်ဘျီးဘၣ်ဒါတဖၣ်န့ၣ်လီၤ. ကၠိသရၣ်/မုၣ်သ့ၣ်တဖၣ်အိၣ်ဒီး တၢ်သူၣ်ဆူၣ်သးဂဲၤဒီးပၥ်ဖျါထီၣ်အတၢ်ထံၣ်လၢတၢ်ကူၣ်ဘၣ်ကူၣ်သ့အတၢ်လဲၤထီၣ်လဲၤထီအကျိၤအကွၥ်သ့ၣ်တဖၣ်အါမးန့ၣ်လီၤ. ဒ်ကၠိသရၣ်တဖၣ်ပၥ်ဖျါထီၣ်အသိးအ၀ဲသ့ၣ်တဖၣ်အိၣ်ဒီးတၢ်ကူၣ် ထီၣ်ဖးလီၤလၢအကဲဘျုးလၢဖိသၣ် စၢၤသွဲသီတဖၣ်အဂီၢ်ဒီးတၢ်ကီတၢ်ခဲတၢ်ဃံၥ်တၢ်စံၥ်မ့ၢ်အိၣ်ထဲလဲၣ်ဘၣ်ဆၣ်အ၀ဲ သ့ၣ်ပိၥ်ထီၣ်ထူၣ်အသးလၢတၢ်သးစွံ ကတုၤအပူၤန့ၣ်လီၤ.
လၢတၢ်ထံၣ်လိၥ်သးဒီးကၠိဖိတဖၣ်တၢ်ဒုးသ့ၣ်ညါဘၣ်ဃးတကီၢ်ခါတၢ်ကူၣ်ဘၣ်ကူၣ်သ့တၢ်အိၣ်သးတဖၣ်လၢ ကီၢ်သူ လ့ၤပူၤပတီၢ်ထီၣ်ပီညါကၠိသ့ၣ်တဖၣ်ဒီးတၢ်တဲဒုးနၢ်ဟူဘၣ်ဃးဒီးတကီၢ်ခါတၢ်အိၣ်သးတဖၣ်လၢန့ၣ်အမဲၥ်ညါတၢ်ကတိၤဟ့ၣ်သဆၣ်ထီၣ်မ့ၢ်ဂ့ၤဒီးတၢ်ကတိၤမၥ်လိၥ်သ့ၣ်တဖၣ်ဘၣ်တၢ်ဟ့ၣ်ခီဟ့ၣ်နီၤအ၀ဲသ့ၣ်တဖၣ်,ဒီးတၢ်လၢအ၀ဲသ့ၣ်တဖၣ်ကြၢးဟးဆှဲး၀ဲသ့ၣ်တဖၣ်စ့ၢ်ကီးတၢ်ဒုးသ့ၣ်ညါအ၀ဲသ့ၣ်တဖၣ်န့ၣ်လီၤ.
ကညီကူၣ်သ့ဆဲးလၤ၀ဲၤကျိၤ အတၢ်ဟးအိၣ်သကိးကၠိအံၤတၢ်ပညိၣ်ဒ်သိးကသူၣ်ထီၣ်တၢ်မၤသကိးတၢ်ဒီးတၢ်နၢ်ပၢၢ် လိၥ်သးလၢ အဃံးအကျၢၤလၢကၠိဒီးပှၤပၢဆှၢရဲၣ်ကျဲၤကၠိတဖၣ်အဘၢၣ်စၢၤမ့ၢ်ဂ့ၤဒီး ဒ်သိးဖိသၣ်တဖၣ်ကသူၣ်ဆူၣ် သးဂဲၤ လၢ တၢ်မၤလိ ပူၤ၀ံၤ ကသ့ဃုကျဲပဲၥ်ထံနီၤဖးအတၢ်မုၢ်လၢ်ကွၢ်စိဒီးကသ့ထံၣ်စိ အတၢ်မုၢ်လၢ်ကွၢ်စိသ့ၣ်တဖၣ်ဒ် သိးကဆီၣ် ထွဲ၀ဲကံၢ်စီဂ့ၤဒီးပတီၢ်ထီၣ်ဘးတၢ်ကူၣ်ဘၣ်ကူၣ်သ့အဂီၢ်န့ၣ်လီၤ.
