ကီၢ်ဆၣ်ကၠဲးထိၣ် တၢ်ဟ့ၣ်ပှၤတ၀ၢဒီးလီၢ်က၀ီၤကၠိသရၣ်တဖၣ် တၢ်သ့ၣ်ညါနၢ်ပၢၢ်ဘၣ်ဃးကညီကူၣ်သ့အဂ့ၢ်
၀၉/၆/၂၀၂၄ ကညီကူၣ်သ့ဆဲးလၤ၀ဲၤကျိၤလီၢ်ခၢၣ်သး လဲၤလီၤဟ့ၣ်တၢ်သ့ၣ်ညါနၢ်ပၢၢ်ဘၣ်ဃးဒီကညီကူၣ်သ့အဂ့ၢ်အ ကျိၤလၢကီၢ်ရ့ၣ်ဒူသထူၣ်,ကီၢ်ဆၣ်ကၠဲးထိၣ်န့ၣ်လီၤ. လၢတၢ်ဟ့ၣ်တၢ်သ့ၣ်ညါနၢ်ပၢၢ်အံၤ ကၠိသရၣ်,ကၠိကမံးတံၥ်ဒီးကၠိဖိ မိၢ်ပၢ်သ့ၣ်တဖၣ်ဟဲထီၣ်ပၥ်ဖှိၣ်မၤသကိးတၢ်ခဲလၢ မုၣ်(၂၆)ဂၤဒီး,ခွါ(၃၇)ဂၤခဲလၢၥ် ၆၃ဂၤန့ၣ်လီၤ. ဒီးလၢပှၤပၢဆှၢ ရဲၣ်ကျဲၤတၢ်ကူၣ်ဘၣ်ကူၣ်သ့တပၤ ကူၣ်သ့ဆဲးလၤ၀ဲၤကျိၤပှၤဘၣ်မူဘၣ်ဒါဃုၥ်ဒီးကီၢ်ဆၣ်ကူၣ်သ့ခိၣ်ခဲလၢၥ်(၃)ဂၤ, ကီၢ်ရ့ၣ်ပှၤဘၣ်မူဘၣ်ဒါ (၁)ဂၤဒီးလီၢ်ခၢၣ်သးပှၤဘၣ်မူဘၣ်ဒါ(၂)ဂၤဘၣ်ထွဲ၀ဲဒၣ်န့ၣ်လီၤ.
တၢ်ရဲၣ်တၢ်ကျဲၤအိၣ်၀ဲ(၂)ကူၥ်, အကူၥ်တၢတၢ်မၤတၢ်အိးထီၣ်တၢ်ဟ့ၣ်တၢ်သ့ၣ်ညါနၢ်ပၢၢ်တၢ်ရဲၣ်တၢ်ကျဲၤ, ဒ်တၢ်မၤညီနုၢ် အီၤအသိး တၢ်ကွဲမုၥ်လီၢ်က၀ီၤပှၤဘၣ်မူဘၣ်ဒါတဖၣ်ဟဲဟ့ၣ်ဂံၢ်ဟ့ၣ်ဘါဒီးကတိၤသဆၣ်ထီၣ်ကၠိဖိမိၢ်ပၢ်,ကၠိသရၣ်ဒီးကၠိ ကမံးတံၥ်သ့ၣ်တဖၣ်န့ၣ်လီၤ. အကူၥ်ခံခါတခါ တၢ်လဲၤဆူတၢ်ဟ့ၣ်တၢ်သ့ၣ်ညါနၢ်ပၢၢ်ဒီးလၢတၢ်ဟ့ၣ်တၢ်သ့ၣ်ညါနၢ်ပၢၢ် အံၤတၢ်ဂ့ၢ်တၢ်ကျိၤဒ်အမ့ၢ် ကညီကလုၥ်တၢ်စံၣ်စိၤတဲစိၤဖုၣ်ကိၥ်, ကညီကူၣ်သ့တၢ်စံၣ်စိၤတဲစိၤ, တကီၢ်ခါကညီကူၣ် သ့ဆဲးလၤ၀ဲၤကျိၤတၢ်အိၣ် သး,ကညီကူၣ်သ့ဆဲးလၤ၀ဲၤကျိၤအဖီလၥ်၀ဲၤဒ့သ့ၣ်တၢ်အတၢ်ဟူးတၢ်ဂဲၤ,ကညီကူၣ်သ့ဆဲး လၤ၀ဲၤကျိၤအတၢ်အုၣ်ကီၤဒီး ပတီၢ်ထီပီညါတဖၣ် ဘၣ်တၢ်တဲပၠးဒုးသ့ၣ်ညါပှၤလၢအဟဲထီၣ်ဒိကနၣ်တၢ်တဖၣ်လ့ၤ တုၥ်လ့ၤတီၤန့ၣ်လီၤ.
တၢ်ရဲၣ်တၢ်ကျဲၤဒ်အံၤအဖီခိၣ်ကညီကူၣ်သ့ဆဲးလၤ၀ဲၤကျိၤအိၣ်ဒီးတၢ်မုၢ်လၢ်အဒိၣ်အအါလၢ လီၢ်က၀ီၤကမျၢၢ်သ့ၣ် တၢ်ကသ့ၣ်ညါဘၣ်ကညီကူၣ်သ့ဆဲးလၤ၀ဲကျိၤတၢ်ဟူးတၢ်ဂဲၤသ့ၣ်တဖၣ်ဒီးပၥ်ဖှိၣ်မၤသကိးတၢ်လၢတၢ်ကူၣ်ဘၣ်ကူၣ်သ့အတၢ်ဖံးတၢ်မၤ ကလဲၤထီၣ်လဲၤထီန့ၣ်လီၤ. ပှၤဘၣ်မူဘၣ်ဒါလၢအပၢဆှၢရဲၣ်ကျဲၤတၢ်ကူၣ်ဘၣ်ကူၣ်သ့တၢ်ဖံးတၢ်မၤ တဖၣ်နၥ်၀ဲလၢတၢ်ကူၣ်ဘၣ်ကူၣ်သ့ကလဲၤထီၣ်လဲၤထီၣ်အဂီၢ်န့ၣ်လီၢ်က၀ီၤပှၤကမျၢ်သ့ၣ်တဖၣ်အတၢ်ပၥ်ဖှိၣ်မၤသကိးတၢ်မ့ၢ်တၢ်အရ့ ဒိၣ်ကတၢၢ်န့ၣ်လီၤ.
