ကီၢ်ရ့ၣ်တီအူ ကညီကူၣ်သ့ဆဲးလၤ၀ဲၤကျိၤ တၢ်ဟ့ၣ်တၢ်သ့ၣ်ညါနၢ်ပၢၢ် ဘၣ်ဃးကညီကူၣ်သ့ဆဲးလၤ၀ဲၤကျိၤအဂ့ၢ်

ကီၢ်ရ့ၣ်တီအူ ကညီကူၣ်သ့ဆဲးလၤ၀ဲၤကျိၤ တၢ်ဟ့ၣ်တၢ်သ့ၣ်ညါနၢ်ပၢၢ် ဘၣ်ဃးကညီကူၣ်သ့ဆဲးလၤ၀ဲၤကျိၤအဂ့ၢ်ကညီကူၣ်သ့ဆဲးလၤဝဲၤကျိၤ ဟူးဂဲၤဖံးလၢပှၤတဝၢပူၤဒ်အမ့ၢ်ပှၤလၢအရ့ၣ်ဒိၣ်တဖုလၢတၢ်မၤလဲၤထီၣ်လဲၤထီကၠိ, ကၠိဖိ တဖၣ် အတၢ်ကူၣ်ဘၣ်ကူၣ်သ့လၢအအိၣ်ဒီးအကံၢ်အစီအဂီၢ်န့ၣ်လီၤ. ဒ်ပှၤပၢဆှၢတၢ်ခိၣ်နၢ်လၢအပူၤကွံၥ်တဖၣ်ပၥ် လီၤဃၥ်တၢ်ကူၣ်ဘၣ်ကူၣ်သ့တၢ်ဖံးတၢ်မၤအကျဲလၢအဂ့ၤတဖၣ်အသိး လၢတၢ်ပၢၤဃၥ်က့ၤဒီးတၢ်ဒုးလဲၤထီၣ်လဲၤ ထီအီၤအဂီၢ် ပှၤပၢဆှၢတၢ်လၢတကီၢ်ခါအဖၢမုၢ်တဖၣ် ဟူးဂဲၤမၤထွဲဒီးကူၣ်ကျဲၤမၤဒိၣ်ထီၣ်လဲၢ်ထီၣ်ဝဲန့ၣ်လီၤ. တၢ်ဟ့ၣ်လီၤတၢ်သ့ၣ်ညါနၢ်ပၢၢ်ဆူ ကၠိဖိ မိၢ်ပၢ်, ကၠိကမံးတံၥ်ဒီးလီၢ်က၀ီၤခိၣ်နၢ်တဖၣ်အံၤ ဒ်သိးတၢ်မၤလီၤ တံၢ်၀ဲဒၣ်လၢ ပှၤကိးဂၤဒဲးလၢအိၣ်လၢ ပှၤ တ၀ၢပူၤ တဖၣ် ကအိၣ်ဒီးတၢ်တူၢ်ခီၣ်ပၥ်သးလၢ တၢ်ဒုးလဲၤထီၣ်လဲၤ ထီတၢ်ကူၣ်ဘၣ်ကူၣ် သ့လၢကီၢ်သူလ့ၤပူၤန့ၣ် ပှၤကိးဂၤ အိၣ်ဒီးအမူအဒါတဂၤလၢအသနၢၣ်ဒၣ်၀ဲန့ၣ်လီၤ. တၢ်ဟ့ၣ် သဆၣ်ထီၣ်စ့ၢ်ကီးပှၤ တ၀ၢသ့ၣ်တဖၣ်လၢကမၤသကိးတၢ် တပူၤ ဃီလၢတၢ်ဆီၣ်ထွဲမၤစၢၤဒီးသူၣ်ထီၣ်သကိးတၢ်ကူၣ်ဘၣ်ကူၣ်သ့လၢပှၤ တ၀ၢပူၤန့ၣ်လီၤ. လၢတၢ်ထံၣ်လိၥ် တၢၢ် ပီၢ်သကိးတၢ်တဖၣ် ဒုးအိၣ်ထီၣ်၀ဲတၢ်ဖံးသကိးမၤသကိးဒီးတၢ်ရ့လိၥ်ဆဲး ကျိၥ်အကျိၤအကျဲလၢအဒုးလိၣ်ထီၣ်ဖးထီၣ် တၢ်မၤလဲၤထီၣ်လဲၤထီပှၤတ၀ၢအကံၢ်အစီအတၢ်အိၣ်ဂၢၢ်အိၣ် ကျၢၤ န့ၣ်လီၤ.ဖဲ ၂၀/၂/၂၀၂၄ အနံၤ ကညီကူၣ်သ့ဆဲးလၤ၀ဲၤကျိၤလီၢ်ခၢၣ်သးဒီးကီၢ်ရ့ၣ်ကီၢ်ဆၣ်ပှၤဘၣ်မူဘၣ်ဒါတဖၣ် လဲၤမၤဝဲတၢ် ဟ့ၢ်တၢ်သ့ၣ်ညါနၢ်ပၢၢ်ဘၣ်ဃးကညီကူၣ်သ့ဆဲးလၤ၀ဲၤကျိၤအဂ့ၢ်လၢကီၢ်ရ့ၣ်တီအူအပူၤန့ၣ်လီၤ. တၢ်ဟ့ၣ်တၢ်သ့ၣ်ညါ နၢ်ပၢၢ် အံၤတၢ်ကွဲမုၥ်၀ဲကၠိဖိမိၢ်ပၢ်,ကၠိကမံးတံၥ်,ဒီးကၠိသရၣ်သ့ၣ်တဖၣ်လၢသ၀ီအဖျၢၣ်တဆံဒီးပှၤဟဲထီၣ်ကအိၣ်၀ဲ ၅၀ ဘျဲၣ်ဂၤအကပိၥ်ကပၤန့ၣ်လီၤ.ကညီကူၣ်သ့ ဆဲးလၤဝဲၤကျိၤန့ၣ်မ့ၢ်ဝဲ ကီၢ်ပယီၤဒီးကီၢ် ကီၢ်တဲၣ်အဘၢၣ်စၢၤ ကလုၥ်ဒူၣ် ခဲလၢၥ်အကျါ မ့ၢ်ဝဲကညီ ကလုၥ်ဒူၣ်တဖုလၢ တၢ်ကူၣ်ဘၣ်ကူၣ်သ့က ဒိၣ်ထီၣ်ထီထီၣ်အဂီၢ်ဒီး ကဒီသဒၢ တၢ်ဆဲးလၤ တၢ်န့ၢ်သါ သ့ၣ်တဖၣ်အဂီၢ် ပၥ်ဃၥ်တၢ်ပညိၣ်လၢ တၢ်ပၢတၢ်ပြးကရူၢ်တဖုန့ၣ်လီၤ. က ညီ ကူၣ်သ့ ဆဲး လၤ ဝဲၤကျိၤ န့ၣ်ဂဲၤ ဆၢ ထၢၣ်ဒံး ခ့ၣ်အဲၣ် ယူၣ် ကညီဒီကလုၥ် စၢဖှိၣ်ကရၢ တၢ်ပညိၣ်တၢ်သိၣ် တၢ်သီတၢ်ဘျၢအပူၤ လၢ ကညီကလုၥ် သ့ၣ် တဖၣ် အတၢ်ကဲ ဘျူး ကဲဖှိၣ်အဂီၢ် ခၢၣ်စးဒီး ကညီကလုၥ် သ့ၣ်တဖၣ် နီၢ်ကစၢ်တၢ်စံၣ်ညီၣ် ပၢလီၤသး လၢတၢ် ကူၣ်ဘၣ်ကူၣ်သ့ ကဂုၤထီၣ်ပသီထီၣ်ကိး ကပၤဒဲး ဂီၢ် ဆၢ ထၢၣ် မၤ ဝဲ န့ၣ် လီၤ.