ပဝဲကညီကူၣ်သ့ဆဲးလၤဝဲၤကျိၤ သးခုဃုၥ်ဒီးဖုဒူပျၥ်ယၥ်ခီလ့ၣ်ကၠိ(PDJC) လၢတၢ်မၤလၤကပီၤတၢ်ပျၢ်ကၠိအမူးဖဲ (၉/၄/၂၀၂၅)အနံၤန့ၣ်လီၤ.
May 18th, 2025
•
Category
News
• Author:
KECD
ပသးခုဃုၥ်ဒီးသုန့ၣ်လီၤ.
ပဝဲကညီကူၣ်သ့ဆဲးလၤဝဲၤကျိၤ သးခုဃုၥ်ဒီးဖုဒူပျၥ်ယၥ်ခီလ့ၣ်ကၠိ(PDJC) လၢတၢ်မၤလၤကပီၤတၢ်ပျၢ်ကၠိအမူးဖဲ (၉/၄/၂၀၂၅)အနံၤန့ၣ်လီၤ. ဒီးသုတၢ်ဟ့ၣ်လီၤသး, သုတၢ်မုၢ်လၢ်ကွၢ်စိ, ဒီးသုတၢ်သူၣ်ဆူၣ်သးဂဲၤအဃိ ဒုးအိၣ်ထီၣ်တၢ်မၤနၢၤအံၤန့ၣ်လီၤ. ပသးခုဃုၥ်ဒီးသုကီးဂၤဒဲးန့ၣ်လီၤ.
ပနၢ်ပၢၢ်လၢ ကၠိအံၤအိၣ်သူၣ်လီၤသးလၢ ကီၢ်သူလ့ၤပူၤအသိး တၢ်ဒုးတၢ်ယၥ်, တၢ်ကီတၢ်ခဲဒီး တၢ်သူၣ်ပျံၤသးဖုးသ့ၣ်တဖၣ် ကၠိအံၤဘၣ်သဂၢၢ်ဝဲန့ၣ်လီၤ. ဒ်လဲၣ်ဂ့ၤ သုတၢ်သူၣ်ဒူသးဒူ, သုတၢ်သူၣ်စူၤသးစူၤဒီးတၢ်သးစွံကတုၤအဃိ တၢ်မၤနၢၤအံၤဟဲတုၤလၢသုစုပူၤန့ၣ် ပစံးသ့လီၤ.
ဆူမဲၥ်ညါသုတၢ်လဲၤအဂီၢ်, သုကဘၣ်သ့ၣ်နီၣ်ထီၣ်တၢ်မၤလိလၢသုမၤလိတ့ၢ်အီၤတဖၣ်န့ၣ်လီၤ. သုမ့ၢ်ဘၣ်ကွၢ်ဆၢၣ်မဲၥ်ဒီးတၢ်ကီတၢ်ခဲဘၣ်ဆၣ် သုကဘှါရှဲအီၤလၢတၢ်ကူၣ်သ့ကူၣ်ဘၣ်အပူၤလၢသူၣ်လၢသးန့ၣ်လီၤ. ပၢၤဃၥ်နတၢ်မုၢ်လၢ်, သူၣ်ထီၣ်နတၢ်မုၢ်လၢ်ဒီး နၥ်န့ၢ်နတၢ်မုၢ်လၢ်တက့ၢ်. ပနၥ်လၢသုကဒုးဒိၣ်ထီၣ်န့ၢ်တၢ်ကူၣ်သ့ကူၣ်ဘၣ်လၢပှၤတဝၢဂီၢ်န့ၣ်လီၤ.
