ကီၢ်ရ့ၣ်ချၢၣ်လွံၢ်ထူၣ် ပတီၢ်ထီပီညါကၠိဖိ တၢ်မၤအါထီၣ်စ့တၢ်ဟူးတၢ်ဂဲၤ
ကီၢ်ရ့ၣ်ချၢၣ်လွံၢ်ထူၣ် ပတီၢ်ထီပီညါကၠိဖိ တၢ်မၤအါထီၣ်စ့တၢ်ဟူးတၢ်ဂဲၤ
ကၠိဖိလၢအထီၣ်ပတီၢ်ထီပီညါကၠိတဖၣ် အၢၣ်လီၤအသးလၢကမၤဘျုးမၤဖှိၣ်ဒီးပၢဆှၢရဲၣ်ကျဲၤက့ၤအပှၤတဝၢဖဲအဖျိထီၣ်ဝံၤအလီၢ်ခံန့ၣ်လီၤ. လၢတၢ်ကတဲၥ်ကတီၤသးလၢ တၢ်ပၢတၢ်ပြးအဂီၢ် ကၠိအိၣ်ဒီးတၢ်ဟူးတၢ်ဂဲၤလၢတၢ်မၤလိသ့သးအကလုၥ်ကလုၥ်ဖဲအမၤလိတၢ်အဆၢကတီၢ်န့ၣ်လီၤ. ကၠိသ့ၣ်တဖၣ်ရဲၣ်ကျဲၤန့ၢ်ကၠိဖိဒ်သိးကမၤလိသ့သးလၢ တၢ်ပၢဆှၢရဲၣ်ကျဲၤတၢ်အဂီၢ် ကၠိဖိကီၣ်ကးကရၢ ဘၣ်တၢ်ဃုထၢပၥ်လီၤန့ၢ်ဝဲန့ၣ်လီၤ. လၢယဲၢ်လါအတီၢ်ပူၤ ကၠိဖိကီၣ်ကးကရၢ ဒ်တၢ်ပၥ်လီၤဃၥ်တၢ်ဟူးတၢ်ဂဲၤအသိး လဲၤတရံးဝဲန့ၣ်လီၤ.
ဖဲ ၂/၁၁/၂၀၂၄ နံၤ ကီၢ်ရ့ၣ်ချၢၣ်လွံၢ်ထူၣ် ပတီၢ်ထီပီညါကၠိ အိၣ်ဒီးတၢ်မၤအါထီၣ်စ့တၢ်ရဲၣ်တၢ်ကျဲၤအတၢ်ဟူးတၢ်ဂဲၤန့ၣ်လီၤ. လၢတၢ်မၤအါထီၣ်စ့အံၤ ဘၣ်တၢ်ရဲၣ်ကျဲၤမၤအီၤလၢကၠိဖိဒီး မူဒါခိၣ်လၢအဘၣ်ထွဲဒီးတၢ်မၤအါထီၣ်စ့ အိၣ်ဒီး တၢ်ဟူးတၢ်ဂဲၤအကလုၥ်ကလုၥ်, ဒီးတၢ်ဟူးတၢ်ဂဲၤသ့ၣ်တဖၣ်လၢအအိၣ်ဒီးတၢ်ကွဲန့ၢ်လွဲန့ၢ်တၢ်တဖၣ်န့ၣ်လီၤ. ကၠိဖိသ့ၣ်တဖၣ်အိၣ်ပှဲၤဒီးတၢ်နၥ်န့ၢ်လီၤနီၢ်ကစၢ်သးဒီး အိၣ်ဒီးတၢ်ကတီၤသးလၢ တၢ်ပၢဆှၢရဲၣ်ကျဲၤက့ၤအပှၤတဝၢန့ၣ် တၢ်ထံၣ်ဘၣ်အီၤန့ၣ်လီၤ.
တၢ်ဟူးတၢ်ဂဲၤ အတၢ်ရဲၣ်တၢ်ကျဲၤအံၤ အိၣ်ဒီးတၢ်ပညိၣ်လၢ ကၠိဖိသ့ၣ်တဖၣ် ကမၤလိသ့သးလၢ တၢ်ပၢဆှၢရဲၣ်ကျဲၤ, တၢ်ပၥ်ဖှိၣ်မၤသကိးတၢ်ဒီးပှၤဂၤ, တၢ်တီခိၣ်ရိၣ်မဲ, ဒီးသူၣ်ထီၣ်နီၢ်ကစၢ်တၢ်နၥ်န့ၢ်လီၤသးန့ၣ်လီၤ.
