ဖဲ ၄-၉/၁၁/၂၀၂၄ ကီၢ်ရ့ၣ်ချၢၣ်လွံၢ်ထူၣ်, ကီၣ်ဆၣ်ဆီထံးပူၤ တၢ်မၤမ့ၢ်ပိၢ်တၢ်လီၤဘၣ်ယိၣ်တၢ်မၤန့ၣ်လီၤ.
ဖဲ ၄-၉/၁၁/၂၀၂၄ ကီၢ်ရ့ၣ်ချၢၣ်လွံၢ်ထူၣ်, ကီၣ်ဆၣ်ဆီထံးပူၤ တၢ်မၤမ့ၢ်ပိၢ်တၢ်လီၤဘၣ်ယိၣ်တၢ်မၤန့ၣ်လီၤ. တၢ်မၤလိအံၤကကဲထီၣ်အဂီၢ် ဘၣ်တၢ်ထီခိၣ်ရိၣ်မဲအီၤလၢ ကူၣ်သ့ဆဲးလၤဝဲၤကျိၤလီၢ်ခၢၣ်သးဒီး ကီၢ်ရ့ၣ်ကီၢ်ဆၣ် ကူၣ်သ့ပှၤဘၣ်မူဘၣ်ဒါသ့ၣ်တဖၣ်န့ၣ်လီၤ.
ဖဲလါနိၣ်ဝ့ဘၢၣ် ၁၃-၁၅/၁၁/၂၀၂၄, ကီၢ်ရ့ၣ်မုၢ်တြီၢ်, ကီၢ်ဆၣ်ဒွဲၣ်လိ, မးလ့လၢၢ်တီၤခၢၣ်သးကၠိ တၢ်မၤစ့ၢ်ကီးမ့ၣ်ပိၢ်တၢ်လီၤဘၣ်ယိၣ်တၢ်သိၣ်လိန့ၣ်လီၤ.
လၢတၢ်မၤလိအကတီၢ် ပှၤတဝၢသ့ၣ်တဖၣ်, ဒူသဝီခိၣ်နၢ်သ့ၣ်တဖၣ်ဒီး ကၠိကမံးတံၥ်သ့ၣ်တဖၣ်ဟဲထီၣ်ဃုၥ်ဝဲဒၣ်န့ၣ်လီၤ. လၢတၢ်တဲသကိးဘၣ်ဃးဒီး မ့ၣ်ပိၢ်တၢ်လီၤဘၣ်ယိၣ်အံၤ အဝဲသ့ၣ်ထံၣ်ဝဲလၢအကြၢးအဘၣ်ဒီးလီၢ်ကဝီၤဖိသ့ၣ်တဖၣ် ကွဲမုၥ်ကဒီးပှၤဟ့ၣ်တၢ်သိၣ်လိဖိသ့ၣ်တဖၣ်လၢ ကဟ့ၣ်တၢ်သိၣ်လိဒ်အံၤအါအါလၢအဝဲသ့ၣ်ဟီၣ်ကဝီၤပူၤန့ၣ်လီၤ.
ဒ်ထံလီၢ်ကီၢ်ပူၤတၢ်အိၣ်သးအိၣ်ဝဲဒၣ်လၢ စုကဝဲၤတၢ်သဘံၣ်သဘုၣ်အဆၢကတီၢ်အဃိ စုကဝဲၤပီးလီလၢတပိၢ်ဖးဒ်သ့ၣ်တဖၣ် အိၣ်ဝဲသ့လၢ တၢ်လီၢ်ကီးပူၤဒဲးန့ၣ်လီၤ. လၢလီၢ်ကဝီၤဖိ ဒီးကၠိဖိသ့ၣ်တဖၣ် ကပူၤဖျဲးဒီးတၢ်တတၢၥ်တနါအဂီၢ် တၢ်သ့ၣ်ညါနၢ်ပၢၢ်လၢအဘၣ်ဃးဒီးမ့ၣ်ပိၢ်တၢ်လီၤဘၣ်ယိၣ်န့ၣ် ပှၤတဝၢသ့ၣ်တဖၣ်ကြၢးသ့ၣ်ညါဝဲဒ်သိးကသ့ဒီသဒၢလီၤအနီၢ်ကစၢ်သးအဂီၢ်န့ၣ်လီၤ.
